之前睇到其他人对港丽staycation的评价都话好抵，我就想俾大家有一定嘅心理准备同另一种评价先订房。
我今次book咗Klook快闪优惠package， $2400包海景房费、午餐、executive lounge 嘅下午茶同Cocktail时段、同第二朝嘅早餐。
先讲硬件：房间旧预咗，但冇谂过一入房就有一阵味。因为之前房间景观唔够开扬，已要求酒店换另一间，呢间系第二间，所以唔想要再换第三间。但𠮶一阵陈旧味道每次入房都闻到，实在好后悔冇再换房。
家俱摆设用料睇得出港丽当日曾用过心机，但心机过咗咁多年，当年结实嘅木门，木柜，书枱，现今只流于笨重，过时及残旧。当然都有追上时代（唔系时尚）嘅设施，例如蓝芽喇叭，Nespresso 胶囊咖啡机。但整间房嘅方便度完全追唔上时代需要，今时今日仲要客人熄总掣先可以上床瞓，床两边亦没有USB叉电，只有书枱一排叉电位。呢啲设计，绝非陈旧房间咁简单的差。
家俱大而无当，窗旁嘅金钱椅，坐又唔够舒服，放嘢又唔够阔，作为摆设又觉得老土。
但书枱嘅櫈较为现代舒适，一赞。
景观，我哋嘅package 包海景房：所谓嘅海景：如果楼层50楼以下，基本上只...之前睇到其他人对港丽staycation的评价都话好抵，我就想俾大家有一定嘅心理准备同另一种评价先订房。
我今次book咗Klook快闪优惠package， $2400包海景房费、午餐、executive lounge 嘅下午茶同Cocktail时段、同第二朝嘅早餐。
先讲硬件：房间旧预咗，但冇谂过一入房就有一阵味。因为之前房间景观唔够开扬，已要求酒店换另一间，呢间系第二间，所以唔想要再换第三间。但𠮶一阵陈旧味道每次入房都闻到，实在好后悔冇再换房。
家俱摆设用料睇得出港丽当日曾用过心机，但心机过咗咁多年，当年结实嘅木门，木柜，书枱，现今只流于笨重，过时及残旧。当然都有追上时代（唔系时尚）嘅设施，例如蓝芽喇叭，Nespresso 胶囊咖啡机。但整间房嘅方便度完全追唔上时代需要，今时今日仲要客人熄总掣先可以上床瞓，床两边亦没有USB叉电，只有书枱一排叉电位。呢啲设计，绝非陈旧房间咁简单的差。
家俱大而无当，窗旁嘅金钱椅，坐又唔够舒服，放嘢又唔够阔，作为摆设又觉得老土。
但书枱嘅櫈较为现代舒适，一赞。
景观，我哋嘅package 包海景房：所谓嘅海景：如果楼层50楼以下，基本上只会俾前面嘅大厦挡住，然后由侧面嘅边位望到小海景。第一间房系40楼，结果变成同对面座大厦对到正。跟住要求换房，先搬到52楼较开扬嘅景观。如果旺季，客人太多唔可以升级到57/58楼层，真心讲海景只属一般。
软件方便，服务两极，有啲就好好，好友善。Package 包埋 Executive Lounge嘅下午茶直落 cocktail，酒店同事见我哋两个唔饮酒，因为酒精敏感，就主动问我哋钟意咩味道，帮我哋调制冇酒精饮品，非常细心。调完亦主动问我哋觉得好唔好饮。我老公就好钟意佢哋调嘅饮品。
因为庆祝纪念日，酒店亦安排玫瑰花瓣铺出心型摆设，真心多谢有关安排。
但第二日就好似去咗第二间酒店，问有冇late checkout，前台电话打四次先有人听，回复只系话package 去到12点。
其实前一日都觉得前线员工training 不足，例如因为要换房，当时另一间房未准备好，佢哋叫我哋响旧房间休息吓，但我话package 包埋executive lounge 下午茶，佢哋直接叫我哋先上executive lounge ，但佢哋唔知冇房卡搭lift 系去唔到59楼，好彩同lift客人帮我哋拍咭。否则又要走多一趟。
安排/沟通混乱：
本来早餐有三个地方可以食，但第二朝去到Lounge 睇到11点先开始，我哋落咗去Garden Cafe，改地方唔贴纸通知，我哋两个人企响Lobby Lounge 门口一阵，亦冇人招呼，呆企一阵之后，唯有自己落下一层睇睇。
食物质素：
Executive Lounge 下午茶同cocktail 嘅小食，有啲都几好食，但攞咸点地方太窄，人多要排队。
早餐，选择真系少，但都有一啲其他酒店冇嘅选择：猪仔样叉烧饱，叉烧肠粉，日式蒸蛋，面鼓汤煮三文鱼，虽然味道一般，但都见系诚意之作。
午餐，包四道菜法国餐，真心失望而回。
头盘，系不同款式cold cuts嘅小食拼盘，cold cuts加哈密瓜味道还可以，但更估唔到系同一拼盘用三文鱼做三种不同款式小食，冇错，又系三文鱼：三文鱼多士，切碎三文鱼捞成嘅三文鱼球，菠菜批，但入面又有三文鱼，我明白食材要善用，但唔好当厨余唔好嘥，同一碟拼盘要出现三次，何况我又唔食三文鱼，除咗食冻肉，真系唔使食。
汤我哋点咗法式洋葱汤同龙虾汤，法式洋葱汤一般，龙虾汤味道浓郁，但带有微微嘅苦味，唔系好鲜甜。
主菜，我老公叫咗牛，味道正常，我叫鸭腿，煎到干身，鸭腿边好乾，柴皮，反而鸭腿入面嘅肉，冇咁干身，但味道劲咸，用嚟整鸭腿汤饭都觉得佢够太入味。
甜品，叫咗一个tiramisu 同朱古力甜品，tiramisu 几好食，另一个我觉得太甜。
今次package要2千4百，包早午餐同executive lounge, 讲真唔算最抵，但服务质素同待遇，令人好失望。2000蚊嘅package 有好多更新同更好嘅选择。
作为金钟四大酒店之一，港丽排最尾就梗系，但冇谂过距离差咁远。checkout自己都冇心机问职员，酒店将来会唔会装修。
作为staycation客人，我都系想价钱平啲又包多几餐，但如果要将货就价，我宁愿拣一啲免费餐少啲，但整体住宿体验较好嘅一间，令我有个好回忆，而唔系要花咁多时间写呢啲咁嘅评价。更多
显示较少
