我同两个朋友系第一次入住「香港愉景湾酒店」，起初见到其他朋友喺Facebook嘅相片，本来系有啲憧憬嘅，不过现实确实同幻想有啲差异。

我两个朋友生日，本来谂住可以开开心心过嚟玩两日。通过Agoda要求酒店提供生日嘅安排，不过佢话我一早无讲清楚，所以只会安排一个生日安排，除非客人可以提供生日証明讲真check-in时已经会见到身分证啦，酒店员工何必咁odd咁问？

我哋傍晚check-in，入到房已经见到啲被铺上有啲黑色点点，通知大堂服务员，大概15分钟后酒店house keeping同事到达，个女仔第一件事唔系关心我哋啲被铺，而系好直接质疑问系咪我哋自己整污糟。之后揽住我哋个枕头、被袋，贴住自己个身直接换上，其实咁样系咪唔多卫生呢？

我觉得大家都系想轻松过一个周末，而家香港又无游客，酒店亦都想多做生意，本来win win嘅... 点解酒店唔可以好好安排呢？

另外，喺我哋走咗几个钟，酒店经理又无啦啦问我哋系咪整花咗房间啲油漆，我哋呢两日除咗瞓觉、同今朝落去食早餐，根本咩设施都无享用过，莫讲房内搞celebration，实在冤枉。