服务态度 - 问月酒店

今天想跟大家分享一下，刚在十二月份入住了几天，首先是装潢很特别，很有时尚气色，还很有气派。接着是酒店的位置真的不错，无论是去购物的地方，或是去食东西的地方都很近方便，还有去很多景点也很近。酒店的服务员很多都很亲和，钱台的服务员很友善，另外值得一提是楼下大堂的两位服务员，TACY 和SIMON 对我们真的很好，关怀备至，有点儿像自己家的感觉，他俩的服务态度真的值得给赞，希望下次再来的时候也可以见到他们，我一家人一定会再来的，下一次再见，万分感谢！

1）check in时才表示这里有隔离人士，而mira moon的名字没有出现在衞生署的酒店名单
2）泡泡浴名不符实
3）Manager的态度问题

1）check in时reception同事同我地讲：「我地酒店接收左要隔离14日既人，不过果班客人住系较高楼层，如果你地唔愿意，可以退款！」我10月31日早上10：42分打电话黎confrim系唔系真系有泡泡浴时，你地同事唔讲有隔离人士？好，我假设当时你地未收隔离人士，咁接收左之后唔send email或打电话同客人讲？你令我觉得你地系一副「我系有隔离人架喇，你住就住唔住就退钱啦」既态度！你咁叫比我选择？假就请左喇，结婚一周年都只得一次，拎住行装，去揾第2间酒店定返屋企？真心觉得你地冇专重客人，亦冇为客人着想！

2）令我最最最失望兼愤怒既系你地个所谓既泡泡浴！呢啲叫泡泡浴？我只觉得有野整浊左啲水，一粒泡都冇。。。。。（于confrim booking前我都有担心过呢个问题，所以直接打比你地问，你地话唔会做到宣传照片效果，但系有泡泡的！听到你地咁讲我收线后就即刻confirm booking！）打落前台问，你地同事表示知道宣传照片系夸张左，佢地果个只系沐浴油。。。可以做既只系听日帮我同marketing同事反映照片失实及同经理反映，同埋攞多两枝沐浴露比我！我拒绝左。如果系两枝沐浴露就做到泡泡，我洗乜加200蚊？泡泡浴体验唔系free架，要加钱架！如果我早知系咁，我自己买泡泡浴球黎浸唔好？我当然知道唔会做到宣传照片效果啦，但冇理由一粒泡都冇挂？

3）到第二朝，front desk manager打黎，我同佢表示个泡泡浴令我好失望，我：「如果连加一$16xx，大把staycations包3餐，点解我要拣mira moon，系因为我一心睇中你地个浴缸同泡泡浴，而我亦愿意加$200去体验你地个「甜蜜泡泡浴体验」。」manager说：「我地唔会同其他酒店比较！」我：「我作为客人，当然要比较，而且，我想带出的一点系我系冲住个浴缸同泡泡浴而来，但原来我得到既系零泡泡。」manager语带轻佻：「甜蜜泡泡浴只系个名称，菠萝包都冇菠萝啦！」我唔明点解可以咁样同个客人解释！咩叫菠萝包冇菠萝？有正常认知既香港人一定会知道菠萝包冇菠萝，更何况，菠萝包隔离的图片唔会系一旧菠萝！而你地既甜蜜泡泡浴隔离有张泡泡浴既相！manager：「我去啲高级小小既酒店都系用沐浴露整泡泡架！」我：「又话唔好同其他酒店比较？我系屋企都系用沐浴露整泡，系我估唔到你地加200蚊既泡泡plan原来系用沐浴露呢啲free既野黎做，仲要我寻晚真系一粒泡都冇！」manager：「甜蜜泡泡浴只系名称，唔系讲紧啲泡泡，主打系玫瑰花瓣同浴油，而不是泡泡！」咁你唔叫玫瑰花瓣体验？再讲，我于订房前打电话比你地问过系有泡我先订！之后我要求manager亲自过黎示范点样整泡泡！manager带左4枝沐浴露黎，一次过倒晒落浴缸，终于有泡！我真系冇谂过原来加200蚊既甜蜜泡泡浴体验，系用沐浴露！试问，manager用4枝沐浴露先整到既泡泡，客人只有一枝沐浴露，得一枝沐浴露，要两个人冲凉，仲要整泡泡浴，可能咩？果时已经系1130am，manager眼见住我吹紧头，老公执紧行装准备check out离开，仲话：「而家整左泡喇，你地浸唔浸？」听完真系好唔舒服！最后manager表示可以减返我200蚊既泡泡浴体验价钱，我接受，但讲真，如果系钱既问题，我当初唔会要加200蚊都想要个泡泡浴！一心谂住可以好浪漫咁过结婚一周年，但换来的只时失望，愤怒，不开心！

再讲隔离人士既问题！manager：「我地当14日隔离人士系普通客人，所以冇系酒店网站或门口摆出告示！」我：「如果你当佢地系普通客人，点解系check in时同我讲？又唔见你同我讲其他楼层住左咩客人？」manager：「我地有交返个选择权比客人，如果check in时客人表示不愿入住可以退款！」我：「你似系有比我选择，但呢个系选择咩？你地亦冇站在客人立场去谂！黎到先讲，同先斩后奏有咩分别？我住得远，请晒假，满心欢喜同老公黎玩，3pm check in，我仲揾唔揾到其他酒店即时入住？定返屋企？」真正既选择应该系于酒店网站发公告或者于订房页面上通知客人，如果我一早知有隔离人士，唔会选择呢度！