#cassiegetfat
-
大家有冇试过卡莉酱神恶魔鸡煲酱？！依只酱非常之出名，好多鸡煲控都推介，夸张到每月卖出10万包。上个月味千拉面仲吅卡莉酱神联乘推出以自家秘制豚骨汤底与卡莉酱神恶魔鸡煲酱混合的期间限定「恶魔鸡煲拉面」，有三种不同辣度选择，大家可以根据喜好试下，过下鸡煲口瘾！😆
-
3级辣度分别为「唔太辣」、「都几辣」、「地狱辣」，平时唔系好食得辣又想试吓嘅瘦编就拣咗「唔太辣」。一食落口个阵麻辣香浓味，即刻为你带来全新味之冲击。外卖套装有埋平时即食火锅嘅发热包，保证有火辣辣嘅享受！🌶
-
$88 套餐有埋味千滋味饺子5只同果味浓郁巨峰特饮，啱晒大胃王！每日限定，售完即止。钟意辣嘅你即刻嚟挑战下啦！💪🏻
-
味道评分▶️🌕🌕🌕🌕🌑 (4)
抵食评分▶️🌕🌕🌕🌕🌑 (4)
回购评分▶️🌕🌕🌕🌕🌑 (4)
-
IG: @cassiecwy/ @cassiegetfat
FB: @cassiegotravel
OP: cuisine_revolution (Lv4)
DianPing: cassiegetfat (Lv6)
TripAdvisor: cwycassie

行经味千拉面见好耐冇食过，正值午餐时份，我就决定买啲嘢食返Office当Lunch同同事一齐食。

店舖环境唔错，墙身有好多介绍味千拉面历史嘅资讯😂，整体几光猛干净。短发女店员超好人，全店得佢一个满场飞，但都好好礼貌同友善。

我惊两碗面太多，所以只系叫咗一份面，但就再追加咗小食。店员估计呢个量唔系我一个人食，所以话特登畀多对筷子我🥢，劲细心。

我都系而家先知原来味千拉面嘅外卖进化成咁厉害，汤同面分开上已经系基本。佢个碗嘅下层仲特别预备咗个暖包比你加热(大陆好流行𠮶啲即食火锅嘅模式)，咁嘅话就算外卖都可以食到热辣辣嘅拉面🍜，诚意十足。

外卖盒🥡嘅包装有齐步骤说明介绍，非常清晰。餐厅将滚汤灌入银仔包装嘅汤包内，汤底仲系热的

1️⃣步骤一：将上层面隔取出，并将汤包内嘅汤慢慢倒入。

2️⃣&3️⃣步骤二及三：撕开底层嘅加热包包装袋后，放番喺原位，再加半杯普通水至注水线。同时，加热包包装袋亦有列出多个注意事项⚠️。

4️⃣步骤四：将已加入汤嘅上层面隔(即步骤一)放番喺注咗水嘅加热包上面，再即刻冚盖。

5️⃣步驿五：等大约五分钟后，散热口唔再出烟，就可以食用！不过要小心烫口啊，坚热🔥。

我要嘅拉面款式系长崎海鲜拉面($58)连饮品，汤底系乳白色嘅猪骨浓汤，再配以多种海鲜同埋蔬菜等配料，非常丰富。斋讲海鲜种类都好多，有🦑鱿鱼须、🦐虾、帆立贝、蟹柳同鱼板，全部味道唔错，唔系雪到死死实实无尼味道𠮶种。拉面面质亦都好食，由细食到大都觉得味千嘅面条粗幼度刚好，口感软硬适中。

蒜片牛柳粒($48)，呢个又系超超超超超级好食推介😋。无论卖相定味道都系满分之作💯，牛柳粒牛味极浓🐮，而且每粒肉质都好嫩好多汁。再配合埋海量蒜片食，真系劲惹味。份量亦都够哂多，我谂起码超过廿粒。同样价钱，街边小贩档份量应该减半，又无咁好食！

香煎虾饼($36)，虾饼有两块，煎得唔错，真材实料，食到爽口虾肉🍤。不过整体性价比唔算特别高，无牛柳粒咁惊为天人。

总括嚟讲，味千外卖好正👍，拉面可以简易加热还原堂食滋味，真系无乜几多餐厅有咁嘅心思，先唔讲喺其他店买外卖都疯狂加你十蚊八蚊盒钱啦。更何况食物出品系好食，不比价钱贵一倍嘅逊色。我真心推介如果附近有味千，绝对值得帮衬😜！

喺香港味千拉面已经算系比较便宜嘅一间，而且质素唔会太差，今次我食咗个猪骨浓汤拉面，佢嘅猪骨同埋汤融为一体，味道非常浓郁，而且我觉得系食得饱，味道非常丰富。

难得的纯日式浓豚骨风味， 喝得到骨髓的味道了，看似平淡无奇，但味道却有浓浓的日本当地口味，以这样的水准，价格算是非常实惠～！

下午茶下午茶不一下食大家乐或者大快活，去味千拉面都不错。他们的下午茶卹有拉面7折, 如果撞正每用22唬仲有额外优惠。虽然佢既拉面唔系超级好食, 但价钱来讲好好了!