在酒店入住期间，得到前台 李建民很多帮助，他像朋友一样热心细致帮我们处理问题！所以在这里要积极的去表扬他！希望香港能多一点像他这样的嗯，前台服务！每一个客人来到酒店都会像回家的感觉！每个人都喜欢来到这个酒店住，回家的感觉让人感觉太棒了！希望你其他的员工都可以像他一样热情周到的服务，让每一个家人都觉得非常非常的开心

，所以感谢所有的服务人员，谢谢你们对我们的热情照顾，非常开心来这个酒店住
希望每个人都开心无比，健康快乐

前排每个weekend都同A姐郊游行山，所以嚟紧嘅long weekend同公众假期，就玩Staycation轻松吓啦！嚟到位于尖沙咀嘅帝乐文娜公馆，酒店大玩超现实主义设计，由踏入大堂开始，已经有唔少打卡位，够晒惊喜，绝对颠覆你嘅视觉体验。另外，今次嘅Staycation package包晒三餐，仲要系香港一向少见嘅北欧菜，CP值够晒高。

酒店大堂
酒店位于尖沙咀闹市，大概步行5分钟，就可以去到尖沙咀/尖东港铁站或前往弥敦道搭乘往各区嘅巴士路线。喺酒店附近就系各个大型商场、诺士佛台、人气日式超市同二十四小时超级市场等等，想行街买嘢同补给日用品都好方便！酒店设于金巴利道嘅玻璃门只系侧门，我哋建议由旁边嘅正门进入酒店，感受另一番风味。大门行中国风，除咗左右两边嘅狮子门环，仲挂上142个门铃，好有气势！再细心啲睇，门铃后面系西式嘅雕花，加上樱桃木嘅颜色，真系匠心独韵。当推开中式大门，视觉就会立即转变成达利（Salvador Dali）风格，形成强烈对比。酒店大堂地板以马赛克铺出圆形罗盘、时钟等图案，行抽象同虚幻风格；而大堂嘅梳化玩味十足，非常浮夸，系超现实嘅欧洲特色设计。虽然话系欧洲风，但其实亦隐含五行元素，糅合咗东西方同后现代色彩，所以喺酒店大堂经已惊喜处处！另外，值得一提嘅系呢张老夫子座椅，系由老夫子作者亲自设计，全港只系得两张咋！持有房卡亦可享有Sasa及Hutong Footbath指定分店之优惠。

客房区域
酒店设有159间客房，包括6间唔同主题嘅套房。我哋今次入住嘅系deluxe room，一入到嚟房间，墙壁上嘅画框、欧洲仿古傢俬及仿制壁炉，真系好似去咗欧洲啲Airbnb，A姐表示劲有旅行嘅感觉！A姐最钟意就系房间内嘅古典茶几柜，非常古典优雅！喺茶几就放有电热水壶、免费嘅茶包、咖啡包、蒸馏水、雪柜同另外收费嘅Mini Bar。位处闹市内嘅酒店，虽然就够晒方便，但景观就以旁边嘅大厦为主。至于，双人床属于King size，床褥软硬度适中，而床单非常柔软，枕头总共有4个，加上遮光度十足，真心瞓得非常舒服。床嘅两边都有床头柜同插头位，放吓眼镜或电话都够晒方便。喺靠窗嘅位置，就系偏厅同工作位置，除咗有一张梳化之外，亦有一张长长嘅书枱，无论做嘢定摆嘢都有足够位置。另外，当我哋入到嚟房间，酒店亦送上欢迎嘅蛋糕、曲奇同甜品，份量非常多，够晒惊喜！

浴室区域
浴室外嘅衣柜附设浴袍、拖鞋同夹万；而浴室就设有浴缸，同A姐喺尖沙咀shopping之后，就可以返嚟浸下热水浴， relax一吓。另外，个人用品亦十分齐全，包括牙刷、牙膏、梳、浴帽、化妆棉等，而洗头水、沐浴露、护发素同润肤露就贯彻玩味十足嘅瓶身，使用自家品牌。

套房
酒店设有六间唔同主题嘅套房，各有特色！其中呢间以非洲为主题嘅「Safari」，望住张相已经觉得好靓，下次要同A姐嚟一个在森林和原野嘅野性staycation。

Board Game
酒店亦提供10几种桌上游戏供住客免费租用，全部游戏都劲新净。

健身中心
酒店嘅地牢设有健身室，面积虽然唔大，但基本设施都有齐，惊喜连哑铃都有齐成套㗎！

餐饮服务
酒店设有一间餐厅同一间酒吧，酒吧命名为Dada Bar + Lounge就系呼应返达利（Salvador Dali）风格。喺酒吧嘅大厅，唔同嘅角落就有唔同嘅主题，仲有乐队唱歌表演添！酒吧亦设有四间主题包箱房，其中Eden就系一个打卡热点，啱晒喺度叹下午茶啦！

FINDS
至于酒店嘅餐厅以五个国家，包括Finland、Iceland、Norway、Denmark、Sweden嘅第一个英文字母取名，命名为FINDS，提供香港少见嘅北欧菜式。因为今次嘅Staycation Package包足三餐，我哋基本上都留喺酒店又食又玩，慢活假期。至于早餐就可以选择喺房内用餐或嚟到餐厅享用。早餐set包括炒蛋、雷根斯堡及纽伦堡肠仔、烟肉、薯饼、香烤番茄、三文鱼、沙律菜、Pancake同饮品，份量非常丰富，真系一个Good Morning！

旅行社book房备注咗生日原来都系冇布置，好彩最后reception张生都帮我哋安排，房间设计特别，床都好舒服，系冲凉热水等咗好耐。