餐厅座位宽敞，光线充足。如果是平日，早餐没那么多人；假日的话建议早点起床用餐，那就不用排队等侯用餐。
食物选择颇多，特别是面，配料还算多，不过牛肉的refill速度比较慢。
餐饮方面很多时侯职员都不在，想点茶要等侯得较久。
整体性价比及用餐体验还好。

平时凑仔咁辛苦，硬系要约下朋友出去轻松下~
凑巧 #沙田万怡酒店 #MoMoCafé 新推出「盛夏海鲜荟萃自助晚餐」真系吸引到我。年纪大咗食唔到好多肉类/淀粉质，但食海鲜我就多多都食到。

呢度环境不错，座位亦好松动，坐得好舒服。用餐时间有4小时，啱晒三五知己边食边谈天说地慢慢叹。

讲番个buffet先，海鲜种类真系好多，除了每晚供应12款 #海鲜，包括波士顿龙虾、琵琶虾、加菲蟹、法国羔蟹、鳕场蟹脚、帆立贝、濑尿虾、蓝青口、熟虾、蚬、黄金螺及东风螺，每样都好新鲜✨!
仲有有如手掌般大的日本室津刺生级生蠔，非常鲜甜肥美。不过酒店为确保食物安全卫生，生蠔则不设无限供应，只做位上两只。

另外仲有新鲜 #刺身(三文鱼、希灵鱼、八爪鱼、鲷鱼等) 、Salad bar、各式火腿、仲有我喜爱的芝士配脆饼呀~

除了冷盘吸引，热盘亦有好多选择，有香口南乳焗鸡球、松露野菌烤焗羊架、咸菜唐芹浸沙白、脆炸鱼柳配南极紫晶藻他他汁，昆布红烧肉、烤西冷扒、各式烧味、即叫即煮的粉面区 、南瓜甘笋忌廉汤、足料 #参须红枣圆肉炖赤肉、仲有儿童区提供各款轻食包括迷你Pizza、迷你汉堡、热狗、格格薯块、薯条、炸鸡块、芝士焗通粉、阿波罗雪条 等，仲有小朋友至爱Popcorn添!

这个dinner buffet最特别是每晚7点设有现场烹调环节，我食个晚主厨‍就示范 #黑松露意大利饭，跟足意大利传统做法，将热辣辣意大利饭倒进原个帕尔马芝士内，让热力令芝士溶化再与Risotto拌匀，还即席将新鲜黑松露刨片上碟，成个表演非常精彩呀~
Risotto食落好creamy，还有好香的黑松露味道，而且饭粒软硬适中，吃起来分外滋味。

食buffet当然唔少得我最爱吃的甜品区，呢度仲有我至爱的 #香港美食，豆腐花、萄挞、鸡蛋仔、格仔饼，每样都整得好有水准，配合 #Mövenpick 雪糕一齐食，好滋味。Mövenpick仲有6款味道选择添。
另外自家制雪条也值得一试，包括番石榴、无花果、蜜瓜、血橙4款创新口味，非常特别。我试咗无花果味，唔会太甜又好有口感，啱晒夏天食，食完感觉好清凉。

值得一赞系酒店已加强卫生防护措施，包括：遵循万豪卫生清洁承诺、加强清洁消毒、大部分食物由师傅夹、宾客夹食物时必需戴口罩⚠️，咁宾客就食得安心啦。

好耐无食过buffet 啦～见沙田万怡酒店MoMo Café推出盛夏海鲜荟萃自助晚餐，就去试吓。估唔到可以以呢个价钱食到咁多海鲜质素仲几多添～

餐厅每晚会供应12款海鲜，包括波士顿龙虾、琵琶虾、加菲蟹、法国羔蟹、鳕场蟹脚、帆立贝、濑尿虾、蓝青口、熟虾、蚬、黄金螺及东风螺。

龙虾大大只，啖啖肉之余又好多膏鳕场蟹脚又超劲咸鲜不得不提嘅系，入座后餐厅会为客人送上每人2⃣️大只日本室津刺生级生蠔肥美之余，海水味又重

刺身就有三文鱼、希灵鱼、醋青鱼、八爪鱼、鲷鱼、鱿鱼仔等。三文鱼都好肥美

每日精选烤肉有烤西冷扒、烤肉眼扒、盐焗三文鱼及蕉叶红鱼等。最令我”wow”嘅系，三文鱼肉超滑同多汁，一d都唔柴，唔知仲以为系慢煮另外，羊架都系必食‼️肉质鲜嫩但外皮香脆，因为羊架系被松露野菌面包糠包住烤

原来依家每晚7点都设有现场烹调环节，不时转换及轮流供应不同食品。咁啱当日就食到师傅即埸整，以半个芝士上嘅黑松露意大利饭 ‼️啱晒身为芝士控嘅我

食完主食又点少得甜品呢～除咗基本嘅甜品吧，仲有即时制作嘅鸡蛋仔同格仔饼，整紧嘅时候，全场都闻到好香而冰品方面，除咗6款Mövenpick雪糕之外，仲提供4款口味创新嘅自家制雪条（无花果、蜜瓜、血橙及石榴）果味香甜，啱晒夏天消消暑

⚠️为咗加强卫生防护措施，酒店及餐厅都️加强清洁消毒，而大部分食物都会由师傅夹‍同埋大家出去夹食物时都要戴返口罩

海鲜朋友至爱，都有不少选择，有生蠔、波士顿龙虾、琵琶虾、加菲蟹、法国羔蟹、濑尿虾、蓝青口等等，佢特别赞龙虾话好厚肉，又多膏，而且很够冻，好海洋气息。

日本兵库县窒津刺生级生蠔，位上每位大人有两只，入座后送到埋枱，我益左我班朋友仔，话好鲜味又肥美

我爱食热盘，今日精选烤肉有烤西冷扒、盐焗三文鱼，我超爱牛，必食，厨师切开西冷扒，见到肉色嫩红，吃起来肉质鲜美，滑口，肌理纤维够嫩，呢个熟度我至爱，肉汁丰富，轻轻点上黑椒汁，很惹味。

仲有我喜爱炖汤，参须红枣圆肉炖赤肉很甘香，汤料丰富，参味浓郁回甘，没有抢走红枣的圆肉的清甜，加上有肉粒，汤很清甜又够滋润。

仲有儿童区食下burgers,细细件容易食，都好食wor,仲有迷你夏威夷薄饼，唔错。见到仲有中式糖饼区，芝士轻食区都有不少的选择。

听到打鼓声，原来有现场烹调，今日系西瓜黑白杂果凉粉，白凉粉是爱玉，色彩缤纷，加入西瓜汁很消暑。

今日同屋企人黎到石门Marriott食lunch buffet补祝母亲节. 原本喺我地嘅家庭聚会”饭堂”大学站间Hyatt食中菜, 但突然喺fb见到Marriott劲折就黎试下, li度都有free parking 2hrs的(HKD500 spending).

Table 7
12点准时入座, 见到张枱实在惊喜, 酒店安排左窗边张十人大枱, 周围以一条条木组成间隔, 好有自成一角嘅感觉, 下次都想book返7号枱.

疫情期间buffet食物由厨师‍放上碟, 其实更加卫生之余仲可以唔使被夹到面目全非. 虽然增加左workload, 但个个都好nice好主动推介食物. 第一round我食左个炸到好脆嘅牛肉...骨, 唔记得系咩了, 咬落外脆肉嫩劲高汁. 隔离有大大件烧西冷扒, 竟然encore多一块, 事关生熟程度完全合哂我”合尺(何车)”, 肉质好鲜嫩呢.

冷盘嘅海鲜我食左松叶蟹脚, 海虾, 蚬. 当中松叶蟹脚同海虾非常新鲜啲肉一下就起得到, 醎度又适中. 可惜就食唔到龙虾钳, 原来第一round见到就要拎了(小tips), 因为次次出去睇下都系清哂嘅.

中式食物方面, 蒸炉上一笼笼叠得好高嘅点心选择多, 食左虾饺, 烧卖皮薄馅靓虾又大只. 黑毛猪叉烧, 烧鸭同油鸡都系好好味, 师傅good.

食食下听到打鼓声, 哗有两只乳猪推出呢! 家姐lucky排得到所以我都有一啖try try, 脆皮到无朋友! 超正!!!!!!!!!!!

甜品bar嘅setting本身都目不暇给, 佢由display雪柜多款西式切饼/批, 至到满柜多种味道嘅MOVENPICK雪糕, 紧接住有葡挞, 现做鸡蛋仔, 格仔饼, 软心朱古力蛋糕, 未完架, 最后仲有豆腐花同蛋白杏仁茶. 切饼各有特色好睇又好味, 特别推荐Tiramisu同cheesecake; mini葡挞极速俾姨甥仔KO哂两件, 净系雪糕都已经食到lam lam脷呢! 不过, 蛋白杏仁茶就欠缺幼滑嘅口感, 亦都品尝唔到杏仁味, 就唔太推介.

不得不提酒店嘅staff好nice, 主动邀请我地拎野食, Dan仔唔钟意坐baby booster又即刻拎左个cushion俾佢垫住, 埋单时(师奶仔)我想入BonVoy分, 亦礼貌解释今日个优惠储唔到分, 而唔系9入左就算, 睇黎除左大学站Hyatt之外, 我地家庭gathering又多个地方了.