限聚令改禁4人一枱，于是一班朋友相约到canton pot火锅，因太耐没有食火锅大家都很尽兴，有一个朋友饮醉酒，好彩有Richard 协助，并且搬咗一张椅子给朋友坐，所以一定要赞赞佢，服务客人即热诚又够尽责。

中秋过后，天气终于沉淀下来，晚间更偶有寒意，有时候都会系家中食火锅。

当然，同朋友饭聚都要好小心，尤其是人数。

睇地址Canton Pot话就话系旺角，但位处旧豪华戏院旁边，感觉有点儿去了大角咀，不过总算静中带旺，行出去弥敦道都只不过几分钟。

毕竟是限聚令下，就算厢房几大，都只能容纳六个人。

由于大圆台设有两个火锅位，有三位女士在坐，当然要点个「花胶炖响螺汤底」，给几位滋补一下。

舀一下，好多花胶筒同圆肉，未食火锅先呷口汤，真系好鲜甜。

男女们就是龙虾套餐，原只龙虾起肉当刺身又得，作为火锅料都无问题，龙虾头放埋落汤底，龙虾味道更浓。

首先梗系要介绍抵食套餐「海鲜任你点 2 + 2」（$168）。

客人可以选择两款活海鲜与及两款冰镇海鲜，而活海鲜有爱尔兰蛏子皇、刀贝蚬、鲍鱼及海中虾。

至于冰镇海鲜有珊瑚蚌、贵妃蚌、桶蠔与及阿根廷红虾。

自己就点了蛏子、鲍鱼、珊瑚蚌及贵妃蚌。

活海鲜质素好得没话说，而且食完又可以再点，货真价实，计落如果叫均8款，都不过$340左右，已经系全海鲜宴。

除了海鲜，Canton Pot 有几款火锅料要同大家介绍一下。

首选本地新鲜牛颈脊，无他既，肉味浓而有嚼口，油花分布平均，配埋龙虾汤底，超正。

另一个好吸引人既部位系吊龙，肉质鲜红够新鲜，同样富有肉味。

而牛舌处理食材相当细心，把整条牛舌边位割走，只保留中间最有嚼劲及肉味的部位，牛魔王必定收货。

若然只挂住食牛，可能会错过西班牙橡果黑豚肉，肉片带点甜味及果香，非常可口。

虽然餐厅有手打丸类，但澳洲M5芝士和牛饺同羊肚菌黑豚肉饺仲吸引，毕竟胃纳有限啊！

咬落芝士和牛饺，中间溶化的芝士渗出浓香；而羊肚菌饺的比例恰好，没有抢去黑豚肉的味道。

午餐肉

差不多有机会都会点，但总系觉得最啱配麻辣火锅。

炸鱼皮

无论佐酒抑或用作火锅都可以，泡浸一下汤底，蘸了汤汁更加惹味。

主食当然不会配饭，而系三色面，挂满了汤汁的面条，好啱要淀粉质既我。

斋食海鲜同肉未免不太健康，好彩仲有花生芽同时令杂菜篮，帮助消化最好。

甜品

一口气点齐木糠布甸、绿茶红豆意大利白酒奶冻、焦糖炖蛋、芒果杨枝甘露水滴、芒果杨枝甘露黑白配及北海道3.6牛奶布甸，正好每人一款。

自己就挑了牛奶布甸。

小巧简单的一杯，没多余花俏的摆设，奶味香，质地滑，不错。

始终香港人都几钟意打边炉，讲讲下，不如今个星期又去多次。

妈妈好钟意打边炉，所以今天特登来朝圣。地方简洁又清静。牛肉及海鲜拼盘尤奇出色。要多谢Sarah的推介，亦要感谢Richard帮忙照顾妈妈出入。尽责员工。要比like。

疫情关系好耐冇聚会！难得约埋一齐食饭想揾个质素高，地方阔落！即刻谂起Canton Pot,有独立房间，提早一个月订房，虽然耐冇帮衬，但食物质素保持一贯高质素👍🏻所有食材精心挑选！今次我哋试咗佢嘅人参韩牛汤底，同埋杂菌汤底，令人回味无穷，特别称赞员工有礼，服务高，其中Simon Lee亲自介绍食材，同安排房间！感觉宾至如归，最后食埋佢嘅自制甜品10分满足，Good gathering🍻🍻🍻

疫情期间好难揾一个三五知己食饭嘅地方，今日难得聚埋一齐，喺朋友带领下到左Canton Pot。
首先，佢系酒店入面嘅餐厅，所以装修同环境都非常舒服，虽然系打边炉，但系唔会话好多人好迫嘅感觉，我地book左房，房内隔音一流，大大声讲嘢都唔怕啱晒我。入到去坐低之后，已经有侍应招呼我地，其中经理Simon Lee仲好贴心送上刚炸好嘅鱼皮比我地吹水送酒。
Simon 帮我地拍板三款小食，炸皮蛋同鱼干都好有惊喜，送酒一流。
之后，我地叫左象拔蚌刺身，应该系野生，大大片，鲜甜唔腥。
火锅汤底拣左人参牛同什菌汤，一上枱，侍应姐姐即刻毕左一人一杯比我地饮，服务一流。
最难忘各种饺类，特别系芝士饺同羊肚菌饺，浓味又好味，牛肉猪肉都好有肉味，鸡肉全部都系嘉美鸡，起晒骨之余仲鸡味浓郁。
最欣赏呢度嘅环境，私隐度高，隔音一流，其次系服务人员专业窝心，特别Simon Lee迟收工都仲招呼紧我地，一个字-赞！