大半年前同细佬坐过 #水晶车厢 缆车之后，佢就念念不忘！成日都话要坐缆车！
琴日见天气几好，一于同佢去玩返转～ 超级幸运，去程同埋回程都唔使排队!! 水晶车厢最正就系可以360度睇风景，沿途真系风景如画，蓝天白云再加翠绿嘅树木，望到都觉得心旷神怡~
去到昂坪，我哋去咗大佛后面行山。#心经简林 前段都可以推 #BB车，系去到木柱嘅位置就推唔到车了～
行完心经简林，附近仲有 #树木研习径 同埋一条行上凤凰山嘅路。带住细佬，我哋梗系行简单嘅树木研习径啦~ 全长350米，好快就搞掂~
行完少少嘅山，出咗一身汗，我哋去返昂坪市集附近度食啲嘢，有好多档食豆腐花嘅小食店，$20碗豆腐花～
如果时间充足，仲可以喺昂坪搭车去 #大澳！下次要同埋Natalie 去埋大澳食地道小食!
放假一家大小、有老有嫩有乜地方好去? 我呢个假期就去咗昂坪360玩咗整整一日
我哋乘坐昂坪360水晶缆车，高居林下，饱览东涌美景，非常写意~ 到达咗昂坪市集，原来由而家到11/4复活节期间，昂坪市集举办咗「寻蛋滋味360」，昂坪市集变成为寻蛋乐园，只要成功揾到五只隐藏于不同角落嘅复活蛋图案，并完成指定任务，即可参加寻蛋任务大抽奖。我哋当然都有参加，扬细佬好兴奋周围去揾复活蛋，最后集整晒仲有礼物收，超爽
除咗复活节主题，同场加映，同恒香合办经典食物打咭专区。「蛋挞秋千」可坐在滑溜溜的蛋挞面 上拍照留念，玩味十足。「放大版恒香经典老婆饼盒」将恒香经典老婆饼盒放大100倍出现于眼前；「复活彩蛋打卡墙」墙上挂满可爱造型的特色糕点，当中少不了恒香 经典的皮蛋酥及色彩缤纷的复活蛋，单是看到已足以令人流口水！
适逢恒香老饼家100周年，昂坪360与恒香老饼 家联手策划了「恒香‧百年」展览馆，揉合插画、图文、实物、影像，以及展出 多件甚具纪念价值的怀旧珍藏品，再配 上互动及趣味元素，与你一同回味《恒 香老饼家》过去一百年嘅点滴，由即日至14/6
大家都千万唔好错过咁精彩嘅活动啦～
那有小孩唔钟意搭缆车？ 居高临下饱览美景，吹着海风，甚为写意 加上水晶车厢，脚下就是大海，视觉效果相当刺激好玩，上年带小朋友去过一次已成日话要Encore，今年趁复活节假期仲系凉凉地再去过~
已有心理准备假期会多人，点知又OK㖞！今次带埋婆婆一齐去当然再坐水晶车厢啦～两小一上车已劲兴奋，尤其是乐上次来还是小Baby，今次识惊啦，又惊又兴奋好鬼可爱! 一望落去就系大海, 小朋友感觉非常好奇有趣呢～
复活节昂坪360仲有得玩「寻蛋滋味360」，买左缆车飞的小朋友只要揾到五只隐藏的复活蛋图案，痴上自己篮蛋度，就可以抽奖啦! 奖品仲好丰富添有酒店住宿+缆车门票、Switch等，可惜幸运之神不眷顾著佢地，只有大佛手机袋乙个，活动到4月11日，快d Plan下！仲有得玩呀！
玩完寻蛋顺道睇埋 昂坪360 X 恒香「恒香‧百年」展览馆，只要于昂坪市集消费凭单就可以换飞啦！馆内劲多打卡位千其唔好错过～
去到东涌坐360缆车，以为又系排队排队再排队，幸好一早预约水晶车厢来回票，去回程分别等5同15分钟就上到车，唔使等到傻！
今年360缆车系复活节搞左个 「寻蛋滋味360」 ，揾齐5只隐藏系昂坪市集嘅蛋蛋，就可以参加大抽奖，随时赢走酒店住宿、Switch 、缆车票等奖品，可惜我地都冇抽奖运...
玩完Egg Hunt后，我地继续系昂坪市集打卡，有几个位都好正好特别，好似有放大版 蛋挞秋千同恒香老婆饼盒、蛋卷摇摇板 ，仲有「恒香·百年」展馆，睇到老香港特色，打卡影相都几靓！
水晶车厢都好正，玻璃车厢底，连海里有水母都望得一清二楚，大概坐20分钟就到达，过程风景优美，绝对系悠闲之选。
