Lunch time 黎到中环呢间台湾店，地点偏远，距离中环地铁站有啲距离。Check-in Taipei都比较出名，lunch time如果唔book定枱，多数都要等位。
我就叫左黑蒜香油牛肉面同珍珠奶茶。原本想试下蛋饼同佢好出名嘅奶奶麻薯，但原来lunch time唔出售，真可惜！
可能我本身钟意蒜味嘅食物，我好钟意碗黑蒜香油牛油面。牛肉好味而份量不少，台湾面粗身，亦有溏心蛋、四季豆、豆卜等配料。加埋一大堆蒜，味道十分浓郁，但又唔会太咸 :)
珍珠奶茶就一般，冇咩特别。
用呢个价钱喺中环呢个地区食好味嘅台湾菜尚算合理。
3 - 7 条点评，共 289 条
手绘双色盐酥鸡～酱汁有两款，一款是柚子柠檬，酸酸甜甜，能把炸鸡的肥腻感减掉；另一款则是黑松露酱，味道丰盈香溢，令炸鸡更升一层次；炸鸡方面，都是醃制过的，炸浆很薄脆～
蒜香三色台肠～蒜片很多，加上蜜糖，肠仔做小吃真的超正～
肮脏芋泥咸蛋黄蛋饼～这个是下午茶必点的‼️早前杂志也有报导过这个名物芋泥暖暖棉棉的，吃起来不太甜，味道刚刚好；蛋皮方面也不油，顶上还加了一堆咸蛋黄碎，令整个甜品咸甜交集，但又出奇的夹，不错
柠檬冬瓜茶～酸甜的饮品，开胃又解渴
鲜芭乐苦瓜汁～苦瓜汁味苦苦地，但苦后带回甘，加上芭乐的味道立刻把苦瓜的苦味中和，越喝越好喝
久闻其名今晚一食，果然无令人失望。小店环境时尚与一般台式食店截然不同。地方一眼望晒，最佳位置在长廊尽头，高枱自成一角，听到场内播放首『突然好想你』歌曲，瞬即重拾去台北的感觉，疫情呀何时先远去呢？
美食价钱几经济，与苏豪区昂贵地段竟然拉不上关系，各种小食面食甜品都咁好味，难怪高企人气热店之列。
樱花虾乌醋茄子 $48
冷盘小食茄子够冻，好挺身夹落唔松散，口感软绵绵，沾左醋汁甜酸美味，仲有樱花虾多份酥脆口感，连小食都做得咁出色要一赞。
台式肉松榨菜蛋饼 $68
蛋饼胀卜卜好大条，分左六小件，蛋皮厚身口感烟韧，馅料肉松榨菜颇有古早风味。适量的榨菜分布均匀，带来酸香爽脆口感，与香酥绵密嘅肉松，交织著味蕾滚动的音符，um！好味...好味。
糖心蛋鲁肉饭 $55
卖相吸引，半只溏心蛋黄晶莹剔透，见到心心眼。碗饭份量唔少，铺满半肥瘦入口即溶的鲁肉好入味，唔错。
手绘双色盐酥鸡 $88
盐酥鸡大件夹抵食有六件，酥脆外层咬落肉质嫩滑，味道唔会过咸，啖啖肉非常满足。食原味已经好好味，仲有两款酱汁三种食法又几好㖞，一款系黑松露蛋黄酱香浓惹味，另一款系柚子蛋黄酱酸甜开胃，我就钟意柚子够清新，盐酥鸡有着台湾的水准，确系必食之选！
伯爵茶冻QQ芋圆 $68
配料丰富，有伯爵茶冻、黑珍珠、芋圆、爱玉、绿豆样样有。冻食清爽，口感软糯Ｑ弹。伯爵茶冻茶味香浓，原粒食有点微苦，弄碎食为佳。而平凡中的绿豆，有重要的提甜作用，每匙捞匀食到绿豆就更为美味。
《麻婆豆腐手工饺 $72》
Fusion菜式好得意，麻婆豆腐味道有d似滑豆腐配辣豆瓣酱，一碗5-6粒，馅料超多而且多汁，但饺子皮就有少少厚，整体口感不错，特别推介比中意试新野既人。
《明太子甜不辣 $68》
明太子落重本，辛辣带Creamy口感，甜不辣质感Chewy几得意，不过有少少油腻。
《双色盐酥鸡 $88》
份量大到有d吓亲，7件圆咕碌盐酥鸡，岩岩炸起新鲜热辣，肉嫩多汁。有柚子同黑松露两款酱汁，我比较中意柚子清新微酸的味道，亦中和一下腻感；黑松露酱盐酥鸡亦很不错，有新鲜感，好香好Creamy。
《爆葱牛肉面 $118》
可以选择刀削面或宽粉丝，我地拣左宽粉丝，Q弹仲吸收晒汤底精华！配料丰富，有牛面、百页豆腐、香葱、炸虫草花及溏心蛋，大大件的牛面煮得超腍，轻轻一撕已经分离，香葱同炸虫草花令整体味道更有层次，特别系炸虫草花几有惊喜，味道独特，脆脆地好有质感。
自己再加旁边提供的辣牛油，用纯牛脂肪、50斤牛骨及香料辣椒制成，微辣之余，食到浓郁的牛味，就好似牛精华咁，提升到汤底的香味，呢个好建议大家要落！
《手作芋泥牛乳冰 $58》
朋友话好好饮，芋泥加紫薯，仲有d椰汁，同时有椰子香同薯香。
