我们不支持您使用的这种浏览器。TripAdvisor网站可能不能正常显示。我们支持以下浏览器:
Windows: Internet Explorer, Mozilla Firefox, Google Chrome. Mac: Safari.

“鲜味刺身,正!”

满屋日本料理(铜锣湾)
香港排名第1,200 (共13,641家美食)
菜系: 日式料理
餐厅详细资料
2019年7月20日点评 通过移动设备发表

今日黎开铜锣湾做野,难得中午有几个钟食饭就去食返餐劲嘅。同同事一于决定试下呢间「满屋日本料理」。

中午时段黎到都几多人,最开心既系用合理嘅价钱食到3个钟!座位都几宽阔,唔洗坐到好迫。

第一转紧系叫刺身,三文鱼新鲜肥美,厚度适中,唔会有雪味。带子刺身超大粒好鲜甜,即刻食多几粒满足下!

熟食都几多选择,有炸物、天妇罗、串烧,锅物等等。炸物方面有大爱嘅芝麻鸡翼,一如既往表皮炸到脆卜卜,一咬有肉汁流出。另外仲有忌廉蟹肉薯饼同好特别长条形既春卷。

食到咁上下职员就会派张雪糕纸比你,每人有一杯Haagen dazs/Movenpick。Haagen dazs仲有限定味道,cream cheese mochi好好味呀!

感谢 littlefoodieee
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
撰写点评点评 (47)
旅行者评分
旅行者类型
时节
语言

6 - 10 条点评,共 47 条

2019年7月13日点评 通过移动设备发表

之前去铜锣湾嘅满屋食放题(*´∀`)~♥
.
放题嘅选择包括有刺身、寿司、卷物、串烧、天妇罗、一品料理、煮物、炸物等等
.
刺身几新鲜,而且冇咩雪味,我个人几喜欢带子,大虾同埋鲍片,觉得啲鲜甜☺️☺️
.
番薯仔烧得好香,芝麻鸡翼好香脆,唔太油,芝士年糕入面有好多芝士,几好味!比目鱼好好食,有鱼油香
.
鸡软骨同烧牛舌香口惹味~烧虾香喷喷,带小小咸味,唔错
.
天妇罗炸粉好薄,一啲都唔油腻,虾天妇罗好好食~之前食过烧鳗鱼觉得几好,不过今次就咸左啲~最后食埋甜品就心满意足啦!❤️

感谢 nanapuishan
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年7月12日点评

我知道lunchtime 去食放题呢个idea系好颠,但真系有人咁提出,而我又陪佢颠!哈哈哈!
其实成日放工都见到阿姐派满屋的传单,佢d set lunch其实都好抵,五十几蚊都有交易,而放题都只系$183,但多好多嘢食!!
首先,除左剔纸上面既选择,出面已经摆放左沙律类、炸物、少量海鲜和热荤,亦有甜品和水果可以任拎。不过时间关系,我们都无乜食呢d,只系拎左翡翠螺同蚬,都好新鲜好食呀!

其次就是饮品,有两个大雪柜多款饮品任拣,想传统d饮茶都三款茶包同成大壶热水自己冲,最惊喜系,近门口位置系有sake可以斟!我真系未见过任饮会包清酒!我当然未颠到lunchtime 饮清酒,都系安份守己冲杯茶顺便帮助消滞。

讲番放题重点,当然系剔纸仔,分开刺身、寿司、手卷、天妇罗、炸物、串烧、煮物、料理、主物、厨师推介、饮品和甜品等类别,我哋喺紧迫嘅时间里面尽量食最多嘅嘢,大部份食物的质素都非常好,刺身全部都好新鲜,例如大赤虾、北海道带子好味到要再encore,另外例如黑松露赤虾寿司、海胆吞拿鱼茸寿司、樱花恋人、海胆手卷等都好好食,真系有少少出乎我意外。

即使系熟食都一样出色,例如烧有机菠萝,估唔到有咁多汁,羊架、牛舌等都好入味又够腍。

叫咗个雪花肥牛锅都几好,牛肉好大片加只蛋劲滑。反而甜品唔系特别出众,下次可以留返quota食其他。

食完今次真系令我对满屋改观,下次要再食过!其实夜晚都唔算好贵,仲有其他生日优惠,或者优惠时段连$200都唔使。下次要同老公一齐挑战大胃王!我估午餐同晚市的食品应该相差不远。呢度仲有个好处就系位够多,午市完全唔洗等,晚市我谂都OK的!仲有间房可以一大班人一齐坐呢!

感谢 shunsumjourney
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年7月1日点评 通过移动设备发表

宜家通街都系放题,但找间有质素好食嘅放题就唔系咁易找!今日我又找到间可以介绍比朋友食而且会赞不绝口嘅放题霸王!

款式多箩箩,而且佢落单后极快送到,又方便而且唔会漏单,基本上落单后5min内美食已经上黎,快到爆。比之前多左个泰式食品区同熟食食品区,重有个清酒区!冷热都有呀。

而且佢啲刺身几新鲜,无啲雪藏味,啲炸物串烧整得好好食,尤其系个烧菠萝,多汁香口。而且饮品系我见过咁多间放题店最多款式一间,而且甜品有Haagen Dazs雪糕食,好满足!!

讲多无谓,大家去食先实际!!

感谢 biancachan18
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年6月19日点评 通过移动设备发表

呢间满屋日本料理最令我哋有惊喜就系有梅酒同埋清酒任饮。呢个价钱做到日本酒任饮,仲系喺港岛区,确实令人喜出望外。

食物方面我哋都系食熟食为主,整体食物水准都好高。我最钟意食烧菠萝,贪佢香甜多汁,又可以解油腻。天妇罗值得一赞,炸粉比较薄,所有嘢都系热辣辣,比其他放题店嘅天妇罗略胜一筹。原条海鳗寿司亦系惊喜之作。大条得来又冇骨,比起一般蒲烧鳗鱼少咗一份油腻感。

最后亦都有得一人拣一杯雪糕。超推介季节限定嘅kiwi & mango frozen yogurt!

感谢 agnes_gourmet
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.tw 查看原文

去过满屋日本料理(铜锣湾)吗? 请分享你的经验!

写点评 上传照片

业主:有什么想要和我们分享的吗?

拥有或管理这家酒店? 免费获取您的详情页以便回复点评、更新资料或者进行其他操作。

获取您的详情页