近期餐厅ig公告今年年中租约期满。 如果想感受下赌城风味嘅Cafe , 就把握机会。

其实小编系好耐之前食，餐点可能有变动。是次系晚餐，餐厅灯光较暗，几有气氛同情调，见有情侣喺度庆祝生日。

之前消费有以下规定，但建议再问下餐厅。
每位最低消费为一个主餐同一杯饮料

好多酒精饮料，价钱合适，系少见嘅餐厅有咁多选择。 薄饼，鸡翼亦系客人常食。餐牌有唔同卡通潮物。

香草忌廉海鲜炖饭 Risotto $128（8.5/10）
超水准，小编本来对意大利饭兴趣不大，但酱汁调味一流，有2 只虾同2 只带子仲有一啲墨鱼鱿圈，份量适中。

秘制酱汁焗猪肋骨$118半份（6.5/ 10）
猪肋骨本来就系无啖啖肉，但比想像中更少肉。酱汁似系茄汁加少许烧烤酱，唔算好特别。有配薯菜，热辣辣，软硬适中，一般水准。

赌城心太软 $56需时15-20 分钟（8/10）
食紧主菜时已要预早落单，士多啤梨雪糕配合朱古力蛋糕有少许流心， 仲有少有嘅雪糕筒。

Rainbow Seven 富士山下
Under TheFuji $52/1,$88/2（7/10）
无酒精成份，波子汽水口味梳打配上云尼拿雪糕，几特别，呢款亦系最受欢迎，因为真系几靓，似欣赏紧富士山。另外，橙色夕阳款亦都多人选择。

额外推介 ： 秘密花园水果茶（$68） 唔系普通大小嘅杯，大杯到可以两个人饮

亦见到香蕉赌船（$68） 加个生日牌 庆祝生日，情侣生日坐侧边庆祝都可以，因为场地唔算嘈吵，好多情侣/ 母女去。

唔知大家身边有冇啲朋友问亲佢食咩都话〈是旦〉呢？有时真系几灰，比几个Option出黎永远都答，「都得啊」「我无所谓」「跟大队啦」，听到都火起，真系想问佢：「咁无所谓嘅话，屎你食唔食？」

不过作为键盘战士嘅我都系FF下架啫。
好！鸠噏完毕，入正题

今次去左哩间Little Vegas食野，就叫左个Carbonara，命运赌场小食拼盘同一个命运Pizza。
真系几推荐个意粉，够浓够杰，令每一条意粉都有Carbonara个汁。而拼盘表现都几好，够热够脆，不过就Random左啲，感觉份量唔太一样。而命运Pizza相比下可能弱一啲，虽然个Pizza个concept 几得意，厨师发板佢落乜你就食乜，不过可能都因为咁每块Pizza嘅食材都唔一样，就令社会有几块焗到特别干身，不过整体来讲味道都算唔错。

价钱偏贵，可以去试，净系个Menu就可以帮你治下「无所谓」嘅朋友 What happens in Vegas, stays in Vegas 啊麻

今日专登去铜锣湾，目的只有一个！就系食little Vegas !!事关其实我已经book mark 左佢好耐但系一直都未有机会食过，于是就趁住今日放假一定要去试吓！ 餐厅位于时代广场附近嘅百乐中心， 每次经过都见到好多人喺度排队 因为幢大厦好多唔同嘅餐厅

一出䢂就觉得玩味十足mad 服务态度好好嘅店员就请我哋先量体温后搓手先可以进入餐厅 枱同枱之间都有胶板去相隔

我哋日虽然系星期日嚟嘅但系下昼两点几都好多人坐满晒成间餐厅

呢度嘅环境同装修非常之特别 整咗好多都系同赌场有关嘅装饰 感觉好有活力！
餐牌上选择好多 三心两意嘅我哋都唔知食咩好 最后叫左三样嘢

呢个系牛油果沙律配鲜虾 酱汁系千岛酱 份量好多，虾同埋牛油果嘅份量都唔孤寒！ 食完又食又食又食都可以食到

之后再嚟多个墨鱼汁海鲜意粉 海鲜又系多到炒ah！ 蟹柳好粗碌尤鱼好弹力 意粉煮嘅时间亦都啱啱好 成件事食落去又唔会好乾，仲觉得无乜落味精 正！

最后就系烤春鸡半只 配埋薯角 一流 鸡肉好Juicy，好嫩滑 醃得好入味 开埋个番茄酱非常夹 咁多样嘢埋单都系三百零蚊左右真系抵食！

今日黎到铜锣湾行街顺便揾食，简左呢间Little Vegas，玩味十足，好似好过瘾！
我地叫左4样野食：牛肝菌汤配多士、夏威夷果仁朱古力、香草忌廉海鲜炖饭、黑漆漆墨汁墨鱼意粉
牛肝菌汤配多士：多士本身好脆，牛肝菌汤味道好浓，饮得出系打出黎，唔系沟粉
夏威夷果仁朱古力：果仁味好香，朱古力又唔会太甜，又大杯，好正！
香草忌廉海鲜炖饭：呢个饭我地都好中意，忌廉汁好多，饭既硬度都刚刚好，海鲜份量好足，有虾、带子、鱿鱼等，仲要款款有几件。
黑漆漆墨汁墨鱼意粉：食完真系”黑漆漆”， 鱿鱼煮得好淋好中意食，而且墨汁系有味既，好多时食呢款意粉Ｄ汁系无咩味，所以呢个要赞！
整体餐厅服务好好，食物好食，价钱几抵，环境干净，值得一黎支持下！

今日和友人去铜锣湾百乐中心Little Vegas吃午餐。餐厅环境有玩味打卡一流，食物服务都好。

叫了充满Omega3及9的鲜虾牛油果沙律。沙律菜新鲜，牛油果口感佳又有营，虾鲜甜。配上芝麻酱极美味。

秘制酱汁焗猪肋骨好味，汁甜甜肉软滑。黄金带皮薯角惹味。

特色奶茶内的咖啡啫喱有咬口，好味! 蜂蜜梳打清新。

吃得满意，2个人花了350元左右，价钱合理。