以前经过总是大排长龙，
今日经过竟然顺利入坐😃
虽然人流无之前咁多，
但食物质素仍然保持到水准👍🏻

「单骨蜜糖芥末鸡翼」
鸡翼炸得好干身，食落一啲都唔油，
仲keep到有肉汁👍🏻
呢碟鸡翼系新鲜炸起的，食既时候要小心啲！

「烤大虎虾龙虾汁意大利饭」
呢个risotto真心做到正宗意大利饭既口感😍
啲饭唔会过硬，食落仲有啲烟韧既口感😋😋
而龙虾汁唔会有苦既味道，
食落有龙虾香之余仲多左蕃茄既酸甜味😋
可以中和到芝士既腻❤️

「飞天薯条」
呢个薯条既秘密系在于个秘制茄汁🤩
首先都要赞下啲薯条，每一条都好大条👍🏻
而且炸到外层好脆😋
沾埋个秘制茄汁简直系会食唔停口😝
个茄汁主要系落左tabasco，
所以食既时候集甜、酸、辣于一身😍

最尾食埋个甜品「士多啤梨奶冻」🍮
奶冻唔算好滑，略嫌有啲失色！
不过欣赏当中既材料超丰富👍🏻
有焦糖脆脆、士多啤梨肉、士多啤梨雪糕😋

上次嚟帮衬已经是10个月前嘅事了，上次一个人行完街食下午茶，觉得唔错。今次就同埋先生嚟食晚餐，睇吓系咪同样咁好味。果然不负期望，同样值得俾赞。

烤羊西冷扒配芥末薯蓉（$138）

烤羊肉烧得刚好，外面微焦有口感，里面肉色呈粉红色，肉质又嫩又松。芥末薯蓉超正，好绵、好滑！

椰菜餐汤配小牛角包（+$30）

椰菜打得好幼细，烹调成汤后质感似薯仔蓉汤。椰菜汤creamy得来又健康。

炸厚切黑毛猪滑蛋盖意大利红饭（$88）

厚切黑毛猪炸到脆卜卜，吉列制法，非常香口。滑蛋似足韩式旋风滑蛋做法，面层末全熟还留有蛋汁，增加嫩滑感觉。红饭即茄汁炒珍珠饭，酸酸甜甜好醒胃。成个配搭加埋新鲜沙律菜，又好睇，又好食！

朱古力三重奏（$72）

朱古力控一定唔可以错过，一次过食齐三款朱古力甜品，认真够晒满足！朱古力慕丝雪糕、朱古力心太软、冻朱古力特饮，每口都充满浓郁朱古力味。尤其喜爱心太软内流出暖暖的朱古力流心，食完感觉特别幸福啊！

每次行铜锣湾地带经过hesheeat都会有阵阵香味传过，次次都被吸引入去食😆 虽然我最钟意食佢地嘅墨鱼汁意粉，今次试下其他意粉先😃

牛油果蟹肉沙律$78
叫个沙律开开胃先😆 超大份丫！沙律由一丝丝蟹肉，一粒粒嘅牛油果，切碎嘅生菜，仲有少许调味酱混合而成，沙律新鲜，食落清新爽脆，感觉好健康。

杂菌蘑菇芝士汁意大利面$78
浓稠嘅芝士汁面底，仲有海量嘅蘑茹，温泉蛋只系啫喱状，唔系完全流心，不过滑脱脱口感都好好。意粉会好快吸晒芝士汁，所以要食得好快。

抹茶黑芝麻疏乎厘班戟 $108
第一食hesheeat嘅班戟，睇餐牌张图好正咁，实物仲正😆 班戟超疏乎，软林林好QQ。上面个cream系黑芝麻味，好match抹茶味，唔会太甜，啱晒我口味😋 仲有麻薯波波，红豆作伴，好满足嘅甜品😆

晚餐烤大虎虾龙虾汁意大利饭$128，虎虾大只，意大利饭都好好食，软硬适中。烤纽约西兰肉眼牛扒配烧汁$148，配有薯条，份量多，薯条香口，牛扒又够大块，肉质不错！

另外再追加炸鱿鱼圈配青柠蛋黄酱，鱿鱼圈香脆，配有沙律菜。烟三文鱼配芒果莎莎，芒果开胃，卖相靓。另外可以加钱要饮品。

好耐之前有朋友推荐过铜锣湾地带有间抵食牛扒，今日黎行街，一于入去试下。☺️

店舖设计大方，位置阔落，我地成家人黎食都唔会觉得逼。
餐牌好多选择，但我一早已经谂定要食扒。
烤纽西兰肉眼牛扒配烧汁（配薯条🍟）$148
牛肉肉质鲜嫩，五成熟左右，食落口感松软又弹牙。再配上即炸的薯条，热辣辣好正呀！

炸鱿鱼圈配青柠蛋黄酱（跟餐加$48）
想讲呢份鱿鱼圈真系超抵食，加48蚊咋！！😆鱿鱼炸到内软外脆，咬落相当弹牙，再配上青柠蛋黄酱，好fresh，好正！😋推介大家食。

烧春鸡拌和风黑蒜炒面$115
鸡肉超大块，外层煎到微脆，鸡肉味突出。炒面表面撒上紫菜，食落别有一番滋味。☺️

紫薯鲜奶 （跟餐+$25）
紫薯味好浓，奶味好香，设计都好特别，适合钟爱紫薯的朋友。
士多啤梨奶昔（跟餐+$25）
奶昔味浓，士多啤梨食落唔漏，表面好多cream，小朋友好中意☺️☺️

后记：下次一定会黎试下佢地d甜品🍰，见到我晒流口水🤤🤤🤤，但碍于要照顾屋企人意见，唯有食返主食。