我们不支持您使用的这种浏览器。Tripadvisor网站可能不能正常显示。我们支持以下浏览器:
Windows: Internet Explorer, Mozilla Firefox, Google Chrome. Mac: Safari.

“地点方便”

U-Banquet (Lee Theatre Plaza)
香港排名第1,837 (共15,287家美食)
周围地区: 湾仔/铜锣湾
餐厅详细资料
周围地区: 湾仔/铜锣湾
2020年4月7日点评 通过移动设备发表

有水准的酒楼唔驶四围找! 最近疫情持续都好少去人多嘅地方食饭不过有次朋友叫到我就同佢撑枱脚。 呢度好贴心入去之前每个人都会量度体温,仲会提供一盆大热水方便大家洗用具。 因为呢度都系第一次来食, 所以点心/小食都有叫来食。 前菜冷盘沙姜麻油猪手,好创新嘅煮法,无谂过过冷盘都甘入味,份量都唔少。 糯米鸡麻雀虽小五脏俱全好足料,男仔都唔会饿亲。 烧卖王的虾好大只而且无雪味,每人两粒都觉得唔够喉,好食! xo酱肠粉有少少辣,十分开胃,煎完嘅肠粉仲好滑,温度/味道都控制得啱啱好。牛杂锅既牛杂食落都吾错,加埋炆出来既汁饮啖仲可以驱寒,送饭一流。 最后甜品就系燕窝北海道牛乳奶冻。奶冻本身甜度适中再配埋燕窝感觉好清凉,为呢张画上完美嘅句号。 呢餐食得好满意,绝对有水准!如果大家追求食物嘅质素,极推荐来呢度饮茶!

感谢 Happygoshareee
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
撰写点评点评 (31)
旅行者评分
旅行者类型
时节
语言
  • 更多语言

5 - 9 条点评,共 31 条

2020年3月1日点评 通过移动设备发表

今日黎到铜锣湾饮午茶。呢到装潢华丽,水晶吊灯同装饰闪闪发光,好似置身系星海到。
首先会送上一盆热水俾你洗碗碟,好贴心。
叫左乌龙茶,茶味香浓,系靓茶叶。
我地点左安虾咸水角、泡椒浸掌翼、秘制五香牛杂、奶皇箭猪包、川汁滑饺子、棉花鸡。
安虾咸水角上枱仲系热辣辣,外皮好有嚼劲,好食,但吸干多少少油会较好。
泡椒浸掌翼少少辣辣地,但好惹味,几好吮。
秘制五香牛杂有白萝卜、牛肚、牛肝、牛肺等,全部都好入味,好食又无腥味。
奶皇箭猪包造型好得意,入面虽然唔系流心既奶皇,但成旧炸过,好香口。
川汁滑饺子包住猪肉同少量菜,同个汁好夹,少少辣,饺子皮果然好滑。
棉花鸡好滑,淮山同鱼肚都整得好好食。
呢间全部野食都系热辣辣上枱,值得一赞。

感谢 chichi330
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年10月24日点评

同好耐无见嘅朋友约咗喺铜锣湾吃饭,因为实在太耐无见,所以很想揾间环境舒服,可以慢慢坐,边食边倾,又唔会限时限刻嘅食肆。友人想食粤菜,提议去利舞台广场的「誉宴•星海荟」。

入面嘅装潢果然好抢眼,以玫瑰金色为主调,配以场内的旋转云石楼梯、华丽夺目的水晶灯、浪漫的花海,营造出揉合中西特色的时尚婚宴场地,设计极尽高贵典雅。

连用餐大堂都非常之有气派,绝对可以用富丽堂皇来形容,但又完全不觉俗气,加上台与台之间有一定的空间,令人坐得舒服。

入座后,先拿起店员送上的餐牌细看,有几款晚市优惠菜式、精选小菜、海鲜超值三宝、时令蔬菜、佐酒小食、自家烧味…等。另外亦有一本厚身的餐簿,而入面的选项就更加丰富,由汤羹、鲍参翅肚、龙虾、生猛海鲜、经典小菜,以至小炒、主食及甜品等,应有尽有。至于茶芥方面,每位 $15, 而餐前小食就每碟 $20。

由于我哋两个人都食量不大,所以只系拣咗三个小菜,包括有热情果笼仔大虾球、脆皮酱烧鸡同蒜茸菜心。

先来的热情果笼仔大虾球 ($128) 卖相非常精致,每只虾都用上一个迷你竹笼盛载。虾球好大只,经油泡后爽口弹牙,再佐以热情果酱,入口甜甜酸酸,味道令人惊艳,很有夏日清新感,效果不错。

接着送上的脆皮酱烧鸡 ($80/半只) 卖相亦不遑多让,外皮油光四溢,鸡皮很薄,基本上没有多余的皮下脂肪,入口焦香松脆。鸡肉肉质很有弹性,加上经烧烤后略为收水,令肉味更浓,入口充满鸡味,蘸少许酱汁吃,滋味无穷!

菜蔬不能少,压尾来一客蒜茸炒菜心 ($78),菜心条条都色泽翠绿,而且相当粗壮,以蒜茸同炒,味道十分爽甜,幼嫩无渣,既健康又少油。

总括来说,这里的食物质素不错,价钱合理,服务一流,下次有时间会再嚟试下佢地嘅点心。

感谢 mjqueen7e
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年9月24日点评 通过移动设备发表

利舞台对于我嚟讲系有一个难忘的经历, 我嘅人生大事都系向呢度举行, 所以我对呢个地方情有独钟。 放工行下铜锣湾, 经过利舞台心血来潮到誉宴 · 星海荟吃晚餐。 有独立电梯直上誉宴,高贵华丽时尚的装修, 情有独钟这里的长楼梯,布置浪漫幸福的气氛。 当晚我们叫咗几个菜,鲜茄海皇浸菜苗$108, 脆皮酱烧鸡$80, 鱼香茄子煲$80, 脆皮咕噜大虾球$188, 白饭$13。

❤️脆皮咕噜大虾球~ 甜甜酸酸的味道非常开胃, 虾球大大只,肉质爽口,配菜有菠萝, 红椒和青椒, 色彩缤纷的卖相,特别开心。

❤️脆皮酱烧鸡~ 半只酱烧鸡只需$80,皮薄又脆, 鸡肉嫩口新鲜,推介这个是必点的。

❤️鱼香茄子煲~ 鱼香茄子煲是很多人喜欢的, 惹味又可以送饭,味道香浓100分。

❤️鲜茄海皇浸菜苗$108~ 清清哋叫个菜苗, 鲜茄加海鲜煮出嚟嘅味道特别鲜甜, 配上菜苗一起吃,赞不绝口。

❤️白饭~ 虽然我平时好少食饭, 但点咗几个好, 一于破例食返半碗。

重游旧地感觉依然一样,无论食物质素,服务态度,装修环境,我都觉得系好好的。

感谢 Victoriay_eatwithvic
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年8月30日点评 通过移动设备发表

妈咪整完甲话想揾个坐得舒服又有汤饮下既地方食晚饭~上Openrice search下见利舞台有誉宴于是就带佢过黎试下~未黎过呢间分店,装修真系好靓!条大旋转楼梯影相一流~

坐低睇下menu,经理好殷勤介绍菜式所以好快我地就决定好~

奄仔蟹

呢个系经理推荐既~最初觉得价钱唔算平~但见隔离台食得咁滋味,于是就叫黎试下~奄仔蟹连埋较剪同一D食蟹既工具一齐上台~方便客人拆肉食~就算妈咪整左甲都轻易搞得掂~不过呢只奄仔蟹既重点系好!多!膏!!!!!!真系爆哂出黎~~仲系我最钟意食既软膏!每一啖食落去都浆住个口~~香味留系口腔劲耐~超正!必点!!

明火煲靓汤-南瓜莲子瘦肉汤

妈咪一心想饮靓汤,所以就叫左-南瓜莲子瘦肉汤,汤以原煲上台,侍应仲帮我地笔起汤渣同俾埋豉油我地点黎食~南瓜汤味道好鲜甜又滚热辣,汤渣既猪肉点豉油好好味,而且汤既份量好多,我地总共笔到成6,7碗!

拔丝咕噜肉

拔丝咕噜肉系我去酒楼必叫既小菜!呢度既咕噜肉炸得香脆,肥瘦适中,完全唔觉得油腻,酸酸甜甜送饭一流!

脆皮吊烧鸡

烧鸡坚脆皮,鸡皮烧得卜卜脆,但鸡肉一D都唔鞋口~冇咩多余脂肪,真正做到皮脆肉嫩~叫左半只鸡~份量岩岩好!

最后我地饮下茶hea下坐左好耐先走~呢度环境真系超舒服~妈咪表示对食物同环境非常满意!

感谢 catcatbobo
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文

查看过U-Banquet (Lee Theatre Plaza)的旅行者还看了

 
中国香港
中国香港
 

去过U-Banquet (Lee Theatre Plaza)吗? 请分享你的经验!

写点评 上传照片

业主:有什么想要和我们分享的吗?

拥有或管理这家酒店? 免费获取您的详情页以便回复点评、更新资料或者进行其他操作。

获取您的详情页
© 2021 TripAdvisor LLC 保留所有权利。

网站的此版本通常面向中文使用者,除非有针对其国家或地区的特定网站版本存在。 您可以使用下拉式菜单访问 Tripadvisor 网站面向特定国家或地区的其他版本。