高质素嘅日本料理喺尖沙咀其实真系唔少，Omakase、立食寿司、浜烧居酒屋，日式料理等等，多不胜数。次前喺棉登径试过岚桥丼饭专门店，而佢哋嘅丼饭好高质好好味，所以今次我就去咗同岚桥同属嘅岚山日本料理食晚饭。
食日本料理、刺身系必点食品吧。因为今日只系得两个人食，都唔敢点太大份量嘅刺身盛，岚山嘅竹刺身盛就啱哂喇。7款刺身：中拖罗、三文鱼、油甘鱼、鲷鱼、甘虾、赤贝、帆立贝，款式已经够哂包罗万有、摆算亦都精美。中拖罗、三文鱼同油甘鱼非常厚切、刺身入口甘香鲜味，称得上系有质素。
食完刺身、接落嚟当然系食寿司啦。虽然岚山都有好抵食寿司盛提供俾客人选择，但我哋就散点咗几款寿司：中拖罗寿司、深海池鱼寿司、油甘鱼寿司、真鲷寿司、火炙金目鲷寿司。特别别想讲下嘅系中拖罗寿司同埋火炙金目鲷寿司。中拖罗非常肥美、部位应该接近大拖罗嘅位置，油脂分布开始接近大攞罗，入口油香非常。火炙金目鲷寿司非常鲜甜、加上经火枪轻轻烧过、果阵鱼油嘅香味更加突出。
寿司过后就系小食同主食。我哋就点咗少少串烧：鹿儿岛黑豚芦笋卷、牛小排青葱卷、萨摩赤鸡翼，同埋味噌黑豚肉石头锅饭。
鹿儿岛黑豚芦笋卷我非常喜欢。黑豚肉烧完后、猪油嘅油香渗哂出嚟，再配搭新鲜嘅芦笋，中和返黑豚肉肥腻嘅感觉。
牛小排青葱卷亦都唔错。牛小排优胜之处在卡又耐煮、又够牛肉香。即使全熟、熟透，口感也不会柴。牛香配搭青葱、无得输嘅组合。
萨摩赤鸡是日本三大名鸡之一，鸡味浓郁，脂肪较少，肉质结实富弹性。萨摩赤鸡翼烧得刚刚好，皮脆肉嫩又juice。唔使点加啲咩调味料，食其鲜鸡味，先系最好嘅选择。最后品尝埋材料都非常丰富嘅味噌黑豚肉石头锅饭，饱到甜品都食唔落喇。
拥有或管理这家酒店？ 免费获取您的详情页以便回复点评、更新资料或者进行其他操作。