2021年4月8号
香港疫情反复，唔少人都会买外卖返屋企食。美心中菜推出外卖自取优惠，好多间餐厅都可享有八折，甚至有七折优惠。例如今次选择翠园，只要在当日下午五点前预订，于晚上自取就有七折优惠，非常抵食。透过WhatsApp 查询餐牌落单，方便快捷，而其他时段都有八折优惠。另外仲有个龙趸两味 的外卖自取四人套餐 $398(折实价)，喜欢食鱼嘅人唔好错过。
今次拣呢个四人外卖自取套餐 $468 ，预先用WhatsApp 落单就有7折！$468 七折之后等于$327.6，套餐有汤丶主菜丶炒饭。
-竹笙鸡丝烩仿翅
-滑蛋炒虾仁
-菜远炒牛肉
-北菇蒸滑鸡
-瑶柱蛋白炒饭
全部都煮得好出色，好好味。滑蛋炒得好香好滑，虾仁大只爽口弹牙。蒸鸡好滑。我去到攞外卖嘅时候，女职员好细心丶有礼貌，逐盒外卖盒都比我检查清楚丶对单，确保我没有攞错，值得一赞。

2021年2月18日
政府于今日放宽餐厅每枱人数最多由两人改为四人一枱，而且恢复晚市堂食，禁晚市已经实施左两个几月。今日起进入餐厅之前一定要使用「安心出行」apps，保障自己和家人。
好耐都无得四个人同枱食饭饮茶，所以就出嚟叹茶。今日系年初七，又系放宽的第一日，所以特别多人等位入座。入去之前先扫瞄「安心出行」QR code和量体温，就会记录低进入时间，简单易用。当日叫左好多点心，仲有越来越少见嘅点心车，所有点心都唔错，新鲜热辣，水准一如以往咁好。虾饺皮薄馅靓，萝卜糕煎得香口，咸水角大大粒，叉烧酥大大件，怀旧西米布甸好好味。

早前见到翠园做紧半价优惠，晚市堂食的主餐牌所有款式都有半价优惠，连甜品都有半价优惠，真系好抵食。今晚入坐已经8点半，所以想食好多野都无，有d好失望，唯有下次早d食。今晚叫左脆皮牛坑腩丶羊城伴五秀丶米汤杞子泡菜远丶生菜包乳鸽崧丶葡汁焗酿响螺丶叉烧。甜品方面就有蜜瓜冻凉粉丶芋圆紫米露。全部都有质素。半价优惠太吸引，全场坐满人。

在抗疫期间，都需要和家人团聚，更加需要大家出来消费，刺激经济。如果个个都唔出街的话，咁就会有好多舖头执笠。
我觉得翠园能够咁受欢迎的其中一个原因，可能是因为保留传统饮茶文化，就系有点心车的存在。系好有特色丶风味。因为市面上比较罕见。依家去酒楼饮茶，全部都用点心纸取代传统点心车，而翠园就有齐两个选择。翠园的服务丶环境丶食物都一直保持水准。
一进入酒楼就要先量度体温先可进入，当日点左10款点心，包括：虾饺＄44，烧卖＄31，咸水角$22，灌汤饺＄50，百花紫菜卷＄31⋯⋯
虾饺皮薄馅靓丶晶莹剔透。必食之选。
紫菜卷市面上比较少见，不过炸粉好厚，比较油腻。
整体上全部都好满意。

估唔到呢间翠园竟然有点心车，我仲以为得美心皇宫有呢！有点心车感觉真系令人几怀念，令我谂起以前同屋企人去酒楼饮茶的日子呢！