前几日出完大澳篇之后，突然系到谂返个日我点解咁攰！先醒起当日有行程去过，就同你地讲下啦～
其实当日入大澳前本身系打算去摸蚬嘅，但一去到东涌见到入去水口村架巴士劲多人后，我地一行三人就果断放弃（怕多人逼啊嘛）。另转面见到有车入大佛㖞，就转阵入大佛啦直接。
去到大佛，如果唔怕攰都可以行楼梯上去近距离睇大佛。但我怕攰，所以就决定行去心经简林睇睇啦。心经简林唔系好远，大佛行过去都只系大概15分钟左右，沿途都有晒指示，一定唔会荡失路～
如是者我地就动身出发啦，都经历左一段平路黎到心经简林。个人认为心经简林好似仲值得去过大佛。当日唔算好天，有太阳得黎又有啲风都几舒服。而且人唔算多都可以行个圈影下相，因为心经简林嘅地方唔算好大，逗留三十钟就可以走喇。
影完相休息完后行返出大佛门口搭车。其实都好方便咖！！门口就有车去大澳，又有车去东涌，行程就可以多啲变化。
️ P.S : 有揸车嘅朋友就要记住啦，如果想揸车入大澳呢，你系需要向运输署申请返禁区纸，唔好咁傻猪冲入去比人罚钱啦
69
44
15
0
2
