@tamshop_jh 喺海港城新开分店，装修特别，更加设分店限定神秘汤底（香茜皮蛋），小编作为谭仔/ 三哥头号粉丝，当然要试下啦！

🥬香茜皮蛋鱼汤米线配脆肉鲩 $42
估唔到唔使食火锅都品尝到香茜皮蛋汤底。芫茜份量多，唔会太重口味。

香滑松花皮蛋同香茜系完美配搭，香气扑鼻。食松花皮蛋时发现有显眼嘅雪花图案，几靓。脆肉鲩无骨爽脆，一试爱上。

全线分店新推广
🌶泡椒酸菜鱼汤米线配脆肉鲩 $42
至少五小辣或以上！酸酸辣辣，非常开胃。虽然添加左三重辣椒（泡椒、青剁椒、指天椒），辣味有后劲，但辣度系可接受。

🌶巴蜀爽脆生肠 $33
口感爽脆可口，不妨一试。秘制辣汁带麻香，十分惹味，食落特别开胃。
另有新款小食-川风香辣黑柏叶 $28

🐤香草鸡翼 $26
香脆外皮，肉质饱满，同土匪口味差唔多。

🥤冻豆花黑糖姜母茶+$11
黑糖姜母茶甜味温和，姜味唔重,饮落有粒粒姜粒，几特别。最吸引系上层嘅豆腐花软滑解辣，系少有嘅配搭。

🍍菠萝冰+$11
原粒菠萝清甜可口，又可解辣。个人偏好菠萝冰。

最近谭仔喺中环开咗间2层嘅新分店，装修新颖光洁，而且仲有早餐食添☀️！
.
📍烘土匪蕃茄芝士三文治 （$31连饮品）
第一次去谭仔唔系食米线😆
三文治中间夹咗半溶芝士🧀
仲可以拣炸酱/蕃茄做馅
前者邪恶；后者清甜🍅
表面用牛油香煎过🧈再加上土匪孜然粉
食落香脆之余都几惹味😋
味道真系比想像中夹好多
绝对唔系伏🤟🏻
仲可以加$6转意大利品牌Segafredo嘅咖啡🥤
谭仔忠粉可以去试吓😌
.

谭仔云南米线 (中环)
中环干诺道中21-22号华商会所大厦地库至1楼

食咗谭仔起码过百次，食嚟食去最钟意鸡肉二小辣，而小食嚟讲麻辣猪耳都算系我top 3😄

鸡肉米线 ($35) (麻辣二小辣)
- 份量都好充足，一个人食都好饱
- 麻辣二小辣辣到好惹味，辣都好过瘾
- 汤底香浓，一上台就已经闻到好香麻辣味

麻辣猪耳 ($32)
- 猪耳份量都几多，两个人分享一个都好够
- 猪耳咬落爽脆弹牙，作为小食一流
- 辣味酱汁好多，但非常好味，𩠌米线好正

冻奶茶($9)
- 奶同茶嘅比例啱啱好，入口顺滑
- 食辣嘢饮冻奶茶一流

谭仔真系性价价超高嘅平民米线之选，会继续帮衬🥰

相信大家对谭仔三哥米线绝不陌生，每次看见谭仔，所有分店都差不多经常满座。我每次去一定会吃腩肉加墨鱼丸

唔系讲笑，谭仔真系食极都唔厌。今次嚟我就叫咗一个麻辣十小辣嘅米线，再加多五只土匪鸡翼。米线就好快嚟到，个鸡翼等十分钟到嚟到，外皮脆卜卜，里面啲鸡肉又好够入味，简直系双重享受。