香港人钟意食唔同菜式，而burger都当然系香港人最钟意既菜式之一🍔🍔

所以香港有好多形形色色，大大小小食burger既餐厅。由连锁式最平既M记，到细细间酒吧式既本地姜/外地牌子既餐厅都有，而价钱当然就丰俭由人。🤑

今日要试呢间burger joy，讲得慕名而来，就紧系因为佢出哂名😍😍😍
出名源自早前有个全世界burger排名，而果个榜将burger joy排左做全港第一，同好似全亚洲第五😳😳
排得咁前，都预左价钱唔平，就当顺便庆祝节日就黎试下佢😙😙

餐厅系酒吧式既，座位比较逼夹而且唔算多位，不过呢个系酒吧既特色。

虽然黎之前都大概决定左食咩，但都系想望一望menu。喺or度睇左其他人既食评，见冇人饮milkshake，再望多两篇就见到有人提过话milkshake暂停。😔
好在提早知道，唔系实失望死我呢个milkshake爱好者🥤

最后我地叫左一个cheese burger combo，配黑松露薯条，饮half pint beer，另外再加多个chicken burger。
啤酒先上，野食等左一阵就黎到🍺🍺🍺

两个包既size都系正常既size，而呢d burger既正常size都意味住个口冇番咁上下大系好难一啖咬哂咁多层。包除左块肉，配料都好丰富。

Cheese burger既肉煎得比想像中脆口，但中间都不失肉汁🤤🤤🤤
肉馅既牛味都几浓，侧边煎得焦脆，中间juicy得黎又香牛味，而且食到牛肉既质感🤗🤗🤗
配料有好多，蕃茄🍅洋葱🧅生菜🥬全部都好新鲜，而且酸青瓜既量都好多，一块连住一块咁
我地叫左多酱，酱汁同溶左既芝士将成个包既食材连接埋一齐😋
牛肉香口，蔬菜新鲜，酱汁浓香，成个包平衡做得唔错👏🏻👏🏻👏🏻

至于chicken burger，中间块鸡髀肉大块得黎，外脆内软👍🏻👍🏻👍🏻
酱汁系honey mustard，芥末味唔算好劲，唔新，酸酸甜甜同鸡肉配搭得宜，个酱汁非常加分🥰🥰
生菜大大块，新鲜脆口，加上蕃茄同洋葱，成个包系比较fresh，岩哂唔想食得太heavy既人

话明汉堡包，夹住馅既个包当然都好重要。大啖咬之前，就细啖咬左少少包黎试，面包既香味都唔错，而且口感都几好，带烟韧得黎唔会好乾，而且烘到有少少牛油香，系做得几好。

薯条都系我地期待既item。佢地既薯条唔系粗身果只，系似m记果种幼身既薯条
🍟🍟🍟岩岩炸起当然又香又脆，但我地期待既香就唔止系薯条原本既香
黑松露酱唔肯定系煎炒过定直头炸过，变左干身既黑松露酱既量都唔少，所以香味确实几够，佢整既时候成间餐厅都有黑松露果只漏煤气味。

啤酒够冻，薯条够热，汉堡够juicy，呢餐我地两个都食得几满足。

情人节唔食大餐，食burger一样甘开心。
特色双层芝士牛肉汉堡
食肉兽必选，除咗有两块又厚又结实既汉堡扒之外，仲有紫洋葱、番茄、酸瓜、芝士、生菜，超多层。
杂菌蘑菇芝士汉堡
我好钟意呢度既面包好软熟。杂菌蘑菇炸到好似食紧肉甘，一啲都唔似食紧素食汉堡包。
加41可以跟餐要薯条加汽水，另一个餐我地再加$21要黑松露薯条。
薯条即炸就系好食，黑松露落得好多所以好够味。
美式炸鸡配车打芝士酱
炸鸡好食，调味好惹味，外皮卜卜脆，正。
蒜香鸡翼
鸡翼亦都好食，有蒜味之余，仲有我钟意既泰式辣酱。
加$21要黑牛雪糕特饮
同我想像中唔同，原来系一杯超多份量既云尼拿雪糕，额外俾罐可乐你自己斟。
加$31要曲奇奶昔
好好饮但超级邪恶，入口顺滑，唔会好甜，连啲cream都好滑。

情人节又遇着年初三有假放，要谂埋午餐去同女朋友食咩。记得有同事介绍过呢间汉堡包店系香港数一数二好食，于是决定同女朋友嚟食返个情人节午餐。
我地叫咗两个餐，我就梗系叫个招牌菜signature double cheese burger；女朋友就要mushroom cheese burger，两个包都份量十足。我𠮶个包嘅配料洋葱同番茄都新鲜多汁爽脆，而牛肉都好多肉汁，反而我自己觉得可以唔使好多芝士，但当然钟意芝士嘅朋友们可以更加enjoy啦！个蘑菇包嘅蘑菇都好似个汉堡扒咁整成一个饼状，但食落就完全唔腻。
跟餐虽然有跟薯条同饮品，但既然情人节庆祝梗要side back多份两份小食：蒜香鸡翼同埋美式炸鸡。鸡翼嘅辣酱有啲甜甜地，应该系泰式辣酱，个皮都炸得几香。个炸鸡系有啲似𠮶啲鸡宝/鸡粒，有车打芝士酱点，都几惹味。讲返佢跟餐嘅薯条，我地其中一份叫咗黑松露薯条，一份原味。黑松露嘅酱份量好够，可以话系重口味嘅黑松露。食完饮煎炸嘢，饮返啖汽水真系好正架。
但系斋饮汽水系唔能够满足贪婪嘅我。加返个雪糕做黑牛就差唔多。呢度嘅黑牛虽然唔系用我钟意嘅朱古力雪糕而系用云呢拿，但佢又系份量好多，而且佢系落咗雪糕先畀汽水你加，变咗雪糕嘅奶香同云呢那香都好占好重味，即系变咗以前好兴嘅云呢那味可乐。我自己虽然偏爱可乐味重啲，但试下呢个都几特别。而女朋友𠮶杯系曲奇奶昔（其实系oreo），都好香滑，爱甜一族可以试下。

趁著新春期间，到喜帖街 看看充满喜庆的灯笼装饰， 欢欢喜喜的感觉实在令人太开心。到了 晚餐时段， 又是时候要花点脑筋 想想买什么外卖，朋友 牛年想吃牛肉😀😀😀 想起之前同事推介， 酒吧街汉堡店。

牛肉汉堡
简简单单， 想吃牛肉汉堡的原味， 牛肉味道香浓， 两面煎得香口 ， 内里仍然保持非常juicy的肉汁， 生菜新鲜爽口， 紫色洋葱爽脆。

鱼柳汉堡
很有惊喜的推荐， 鱼柳肉质结实鱼味浓， 鱼肉层次分明， 而且炸至香脆又 保持到鱼肉嫩滑， 值得推荐。

蒜味鸡翼
鸡翼炸至香脆， 蒜味非常突出， 配搭辣味酱汁， 惹味又好味。

公司附近原来有一间国际旅游网站Big 7 Travel发布的「全球50间最佳汉堡店」中排行第31位，也是香港唯一一间上榜的汉堡包店～Burger joy。
-
我劲爱吃汉堡包的我怎可以错过它。早两日出粮，立刻与同事一起来这里吃午餐！
-
虽然店铺比较细，餐厅装潢像酒吧，一边听着节拍强劲音乐，眼睛看电视播映足球联赛，令我仿如置身来到美国一样。
-
HK$139特色双层芝士牛肉汉堡～面包非常重牛油香味，咬下去的感觉像吃热香饼一样。原来此店面包是由米芝莲得奖主厨Michael Gillet提供特别配方给Burger Joys而成。怪不得那么特别。牛肉是USDA 美国安格斯牛肉制成的，咬下去松软及多汁。如果牛香味再浓郁一点更加好。
-
HK$109芝士牛肉汉堡～我喜欢汉堡包是配紫洋葱，因紫洋葱比黄洋葱更甜少一点辛辣感又不呛口。爽口的生菜及甜酸番茄配上芝士牛肉，减低油腻感而这个份量对于我来说刚刚好。
-
HK$40 Combo~可配啤酒/汽水+薯条。这个热闹的环境不配啤酒真是会格格不入。另外薯条是幼身多盐的薯条配上大量茄汁，很惹味