今日去到湾仔做嘢，终于有机会一试呢个网民投票全球排名第32名嘅汉堡店！一入到去嘅气氛似一间酒吧多个汉堡店，周围都系电视播着外国足球赛，餐厅都系吧枱形式，成个气氛好热闹，店员都系外国人，一瞬间好似去咗旅行咁
.
Cheese burger combo（ $150 ）burger一上枱就闻到好香嘅牛肉味，仲好贴心咁样帮我哋切开咗一半配料有洋葱生菜酸瓜芝士同埋唔少得手打美国安格斯牛肉，面包都有查上牛油烘底，一啖咬入去肉汁流晒出嚟，牛肉食得出冇沟其他肉薯条我哋叫咗Melted Cheese Fries （ +$11）系有薯条嚟嘅，上面嘅芝士如果多啲就好啦，另外饮品都加钱叫咗Strawberry milkshake （+$31）试吓，钟意食甜嘅会觉得好正，奶昔上面仲加咗cream添
.
经典水牛鸡翼（ $59/6只）除咗汉堡我哋都叫咗鸡翼，见到佢哋呢度仲有举办食辣鸡翼比赛其实佢呢度嘅所有鸡翼都比起平时餐厅嘅辣，脆炸鸡翼上面再加上酱汁酸酸辣辣好惹味

呢日放工之后同朋友去左湾仔呢间汉堡包店到食dinner。呢间餐厅入面有好多唔同既汉堡选择，仲有小食同埋饮品，好吸引！
我地一人点左一个汉堡，分别系牛肉汉堡同埋鸡肉汉堡，其中一个仲要左combo，跟住薯条同埋milkshake。呢度既汉堡全部新鲜即制，入面有好多料，劲多层次！牛肉汉堡好惹味，牛肉味香浓，个包亦都烘到好香。
另外仲有鸡肉汉堡，鸡扒好香脆，层皮好香，入面啲肉就好juicy。仲有热辣辣既薯条！朱古力milkshake 都唔错！

今日行完街好想食burger ，经过见到依间就入左试下，又唔错啵！

餐厅细细地但系环境都几型格。

依到combo set有野饮同薯条。
Burger选择唔算多但都系大众口味。


叫咗个特色双层芝士牛肉汉堡（$139)，另加左黑松露薯条同朱古力奶昔！
个burger好好食，块面包系烘过，牛肉好juicy同好香牛味，配埋芝士邪恶但好味！加埋蕃茄洋葱酸瓜等等嘅配料真系好饱好丰富。
个薯条就有好多黑松露酱系上面，薯条系比较脆但系入面唔多薯仔果种！
奶昔就好creamy 好滑，如果再重少少朱古力味会更好。
依间overall来讲都几好，经过真系值得一试！

今日约咗朋友在湾仔见面，又好想食汉堡包，好彩湾仔有我其一至爱的 Burger Joys。

内里环境整洁及舒适，一共有9张枱。因为下午2点后，所以唔使等位就可以入座。:P

汉堡当然喺今日嘅首选择啦。

1. 芝士牛肉汉堡($109)，店员好细心为我哋切开，可以share 来食。芝士溶晒落牛肉同饱内，好味:yummy:。汉堡份量厚，加上蕃茄同生菜，基本上一口都咬唔晒落肚，所以一个汉堡都已经好饱。

2. 鸡肉汉堡($89)，刚刚炸起，鸡肉外脆内热，加上新鲜蕃茄及生菜，同样美味:love:。如果唔食牛肉，鸡肉汉堡都系不二之选:wow:

3. 芝士薯条($52，跟餐连饮品)，有皮嘅薯条充满薯仔味，刚炸起热辣辣，外脆内热。加上香浓的芝士酱汁，2人 share 刚刚好，又系必叫食物之一。

整体来讲，餐厅食物水准高，店员细心有礼，店内环境整洁，细细间，充满美国风味，值得一试再试

最近成为咗汉堡迷今日决定食呢间香港区第一嘅burger joys!!见到墙上贴住好多明星都到访过，连男神吴彦祖都食过我都吾执输☺️

特色双层芝士牛肉汉堡
牛肉系有牛肉碎整成！所以口感好松软，而且牛味极重，啲肉汁紧紧锁系牛肉入面加上，用上100%安格斯牛肉，难怪咁高质配料有车打芝士、烘得香脆的烟肉、仲有蔬菜，令到味道更上一层楼

一个包点够我食当然要加$41转套餐，就有汽水和薯条

热熔芝士薯条(+11)
薯条比较幼身，覆蓋著的那一层浓浓的芝士酱汁，让人蠢蠢欲动！

奇津辣味鸡翼
奇津香料调味出色，香辣可口，令到鸡翼更香气诱人。最正系鸡翼的皮好香脆、好薄，肉质仍然好滑嫩，即叫即炸，好食到6只都吾够