Weekday返工咁忙碌，Weekend梗系要对自己好啲 Burger Joys就系其中一间chill weekend既口袋收藏食店 佢既burger真系数一数二美味 周末下午可以轻松chill下已经可以快乐一整天✌‍♀️
·
Cheese Burger  HKD$109
面包外皮有煎香过，外脆内软好有口感 半溶芝士搭配牛肉汉堡超级邪恶 望见都已经流哂口水 牛肉汉堡用上安格斯牛肉打成，扎实饱满且肉味浓郁 肉汁仲好juicy 配料有我最爱既酸瓜 加埋生菜、番茄同红洋葱，厚到臂大个口都咬唔哂!!
·
Fish Burger  HKD$89
第一次order 鱼堡估唔到咁有惊喜 块鱼柳又大又长，刚刚炸起好香口 鱼肉嫩滑好好食，加埋酸酸地既沙律酱汁，鱼柳汉堡绝对唔比牛肉汉堡专美
·
Crispy Garlic Wings  HKD$59/6PCS
即叫即炸热辣辣脆卜卜鸡翼饱满啖啖肉，泰式酸辣酱食落好开胃 面头仲洒左好多炸蒜粒，超级惹味
·
Burger Joys
中环士丹利街82号地舖

Burger Joys其实系全球top 50汉堡包店，之前都试过另外两间分店，今次黎开湾仔买嘢，就决定试埋湾仔分店。

香草味奶昔
奶昔永远系每次必叫精选，因为总系觉得奶昔配汉堡好夹。今次叫咗香草味奶昔，雪糕同冰打得够幼细，饮落够甜又好幼滑。

芝士牛肉汉堡
牛肉够晒Juicy，配上半溶嘅芝士，食落够晒滋味。配上洋葱、生菜同蕃茄，蔬菜嘅新鲜感，刚好中和到牛肉同芝士嘅油腻感，口感一流。

洋葱圈
平时最怕食到炸皮同洋葱分开嘅洋葱圈，呢度嘅洋葱圈系即叫即炸，炸皮同洋葱唔会分离，食落外脆内软，洋葱又唔会太干。

鱼柳汉堡
鱼柳够晒大块，而且肉质够结实，炸到香脆之余又，保持到入边鱼肉嘅嫩滑。

经过想食Burger，今日终于又有机会食Burger Joy啦！

Buffalo Wings
每次去亲美式餐厅必点，因为好钟意个sauce 有d辣有d酸，加上炸鸡翼，真系无得输。呢间的味道唔会太辣，鸡翼亦唔乾，口感好好，而且有西芹同红萝卜可以中和下，忍唔住食多几只。

鸡肉汉堡
呢个有惊喜，平时好怕食鸡会好乾，但呢个好juicy 又香口，个面包本身焗得好香，见到金黄色已经好吸引。配料有菜有蕃茄有pickles 有洋葱。令人好满足的口感。

美式炸鸡配芝士酱
芝士好 rich 好 creamy ，同炸鸡一齐食真系不得了。

值得一睇系burger 包装好好，食起黎好方便，唔会食到对手好污糟。下次试埋其他款既burger !

被旅游网站评为香港No.1汉堡店Burger Joys在香港已经扩充至3间分店，分别位于湾仔，中环及西营盘。

特价外卖套餐价钱非常吸引，汉堡饱连同小食及饮品只需$89起，比在餐厅食单点的汉堡包更便宜。

双层芝士牛肉汉堡套餐 $108
汉堡包包身以特制方法制作, 比一般汉堡包松软而且富有甜味, 包身微微烤香, 手打汉堡牛肉非常新鲜, 外层煎香, 口感鲜嫩多汁, 不会太干之余还吃到牛肉的肉感，配以鲜茄和芝士, 非常惹味可口。

芝士牛肉汉堡套餐 $99
比双层少了一层汉堡的芝士牛肉汉堡只平$9，不过这份量老婆吃就刚刚好，而且配菜份量感觉上都差不多，入口更加湿润多汁。

由于食完汉堡已经很饱，小食沙律都是带回家再吃的。

今日去到湾仔做嘢，终于有机会一试呢个网民投票全球排名第32名嘅汉堡店！一入到去嘅气氛似一间酒吧多个汉堡店，周围都系电视播着外国足球赛，餐厅都系吧枱形式，成个气氛好热闹，店员都系外国人，一瞬间好似去咗旅行咁
.
Cheese burger combo（ $150 ）burger一上枱就闻到好香嘅牛肉味，仲好贴心咁样帮我哋切开咗一半配料有洋葱生菜酸瓜芝士同埋唔少得手打美国安格斯牛肉，面包都有查上牛油烘底，一啖咬入去肉汁流晒出嚟，牛肉食得出冇沟其他肉薯条我哋叫咗Melted Cheese Fries （ +$11）系有薯条嚟嘅，上面嘅芝士如果多啲就好啦，另外饮品都加钱叫咗Strawberry milkshake （+$31）试吓，钟意食甜嘅会觉得好正，奶昔上面仲加咗cream添
.
经典水牛鸡翼（ $59/6只）除咗汉堡我哋都叫咗鸡翼，见到佢哋呢度仲有举办食辣鸡翼比赛其实佢呢度嘅所有鸡翼都比起平时餐厅嘅辣，脆炸鸡翼上面再加上酱汁酸酸辣辣好惹味