黎铜锣湾食午餐,行到Sogo附近呢栋澳门逸园大把餐厅,最尾拣左呢度8楼既一杯屋。同同事每人叫左一份定食,另外加$60要左份刺身。
午市定食跟既唔系面豉汤,而系韭葱汤,味道带咸,无草青味,味道偏向洋葱。
沙律预拌醋,上面有一小块鸭胸。
茶碗蒸入面有带子、蟹柳等,非常足料架。水份配合精妙,食落唔会太结又唔会散。
南瓜一小件,味道系来自南瓜既自然甜。
<日式烧安格斯牛扒>(定食 $168)
要左五成熟,果然啱啱好,肉质结实,配上调味料烧完之后牛味更出。配饭一流。
<炭烧喜之次>(定食 $168)
喜之次系日本名鱼之一,系啲高价日本料理先见到,呢度$168就食到都几抵。烧完系脆脆既皮下,鱼肉依然嫩滑,感觉几新鲜,配萝卜蓉同烧汁食,味道丰富。
<刺身拼盘>($60)
用左月亮碟上,摆盘一流,分别有三文鱼、鲷鱼仲有海胆。三文鱼厚切,食落够油润,好新鲜。鲷鱼爽口,点啲啱啱既酸汁啱晒。海胆鲜甜,下面既青瓜都切得好精致。
呢度上菜都算快,啱晒赶番office既打工仔啊。装修亦好有居酒屋感觉。
拥有或管理这家酒店? 免费获取您的详情页以便回复点评、更新资料或者进行其他操作。