近期真系好有食神🤩， 因为生日月的关系， 朋友们都相约我到餐厅庆祝🥰。 今次到这间餐厅Sky726， 位于旺角弥敦道724-726号25楼， 有窗边位置感觉舒适， 但餐厅环境比较细，空间感不足。 ✨当晚我们散叫三款菜式，牛油白酒煮蓝青口配法式薯条$198、 烧原只慢煮墨西哥春鸡$238、 扒波托贝洛蘑菇杂菜配香草意大利粉$158， 甜品有柠檬意大利软芝士泡沫伴草莓雪葩$98， 三杯cocktail ，Cookies and Cream $88、Passion Fruit Mojito $88、Blueberry Mojito $88。

🔴牛油白酒煮蓝青口配法式薯条🍟🦪～ 青口都有好多只， 味道鲜甜， 薯条香口好味。

🔴烧原只慢煮墨西哥春鸡🍗～ 烧春鸡肉质好嫩滑，但有部分未煮熟。

🔴扒波托贝洛蘑菇杂菜配香草意大利粉🍝～ 意粉口感比较干身， 味道偏淡。

🔴柠檬意大利软芝士泡沫伴草莓雪葩🍧～ 卖相一流， 有干冰伴着草莓雪葩好有仙气感， 味道不会太酸。

🔴Cookies and Cream🍹～ 好似食紧朱古力饼， 酒精非常浅， 适合唔想饮酒的晚上。

🔴Passion Fruit Mojito🍸 ＆ Blueberry Mojito🍸～ 两杯酒精浓度都好低， 味道清新，还可以。

整体感觉都几舒服， 店员服务贴心，只是坐位狭窄， 枱与枱之间距离比较近， 食物质素 正常。☺️

Sky726
地址: 旺角弥敦道724-726号25楼

星期六晚同男朋友撑枱脚，又忙左一个星期，决定今晚食西餐，放慢一下节奏，喺OpenRice见到呢间餐厅做紧买一送一优惠，有意粉又有牛扒食，所以就决定嚟呢间。

间餐厅系大厦最顶层，一出lift 见到餐厅环境非常有情调，而且挂满左圣诞灯饰同装饰，几有节日气氛。门口当眼位置有放咗消毒酒精啫喱。 店员同我哋简单讲咗一次买一送一嘅优惠可以点用之后，就带咗我哋入座，服务态度几好，有讲清楚边啲有优惠，同埋每人要order一杯饮品。

我哋都点左香煎美国安格斯西冷牛扒280g $318 ，卖相非常靓，有一块厚切牛扒，芦笋同埋薯蓉。牛扒表面煎封锁住肉汁。我要左七成熟，熟度啱啱好。牛味浓郁，充满肉汁，有嚼劲。牛扒原汁原味嘅，我哋叫咗店员俾啲盐同黑胡椒调调味，味道更加好食😋 芦笋清新爽口，薯蓉香滑软绵。

饮品我叫咗Coco tail $68 ，有八折优惠都几好。类似系水果嘅mocktail 😃 甜甜地几好饮😃

总括来讲呢间餐厅都唔错，布置有心思，员工服务态度几好，食物质素唔差，价钱仲有优惠，下次会再嚟。

旺角，车水马龙。当中难得一间餐厅水准颇高的餐厅。墨汁意大利饭带出海水盐味却又不带腥，一口饭放入口内两秒后，盐味由舌中开始渗透至整个口腔，整顿饭不觉得腻，也不会济。饭感软硬适中，是传统炖饭口感。墨鱼口感有劲，嚼得有点耗牙力。甜品是朱古力合桃蛋糕，喜欢朱古力可一试，我个人不太推荐蛋糕。

我之前曾在这间餐厅吃过晚餐，当中的墨西哥芝士薯条，慢煮系列及自家制cocktail 都很高分。相对价位较高的餐厅对应着全球价位最高的地皮。

一间餐厅能做出让味蕾开花的食物，而我吃到，没有比这更幸福的事。

琴日星期五收工后同朋友打算来sky726饮野同食甜品，因为之前试过佢d甜品都好有特色！
点知今次去副撞岩halloween主题，环境都布置到好halloween
再上佢fb search下halloween餐的样子，就决定点黎应下节啦！

头盘系荔枝沙律
荔枝好甜，唔似罐头荔枝。蕃茄配feta cheese ，再加埋带酸味的沙律汁，好夹

小食系 血手指造型的饼乾，几可爱，味道ok, 几脆口。

西瓜冻汤
我第一次饮冻汤，好特别！ 有西瓜味，但唔似平时饮嘅西瓜汁饮品，系带有少少咸味， 又有一点蕃茄味， 几fresh。蝙蝠系西瓜肉

香草餐包， 几香香草味,口感软熟

主菜我拣左红酒烩羊膝
呢个系出乎意料嘅好食:love:羊膝炖得好稔，好易就将骨同肉分开， 而且好入味配菜亦好有心思，本身以为点解薯蓉又要加上薯条咁奇怪，但原来唔系薯条，系甘笋。甘笋脆口又大又甜味，令成碟主菜又增加不同口感。薯蓉就好绵滑

甜品系朱古力蒙布朗蛋糕，造型好靓！又再一次被sky726 的甜品所吸引！
首先朱古力蒙布朗蛋糕出面系朱古力慕丝，入面有朱古力雪糕体同cream, 好浓朱古力味。另外又以白朱古力制成棺材造型，装上士多啤梨同蓝莓， 好别致！ 白朱古力好滑，而且系好味的！！
好钟意呢款甜品：）

饮品系brain freeze
用奇异果做沙冰，味道酸酸甜甜，几清新，配上上脑造型的啫喱，都几Halloween。

系揾间方便餐厅撑台脚嘅时间，第一次上黎弥敦道726顶楼，原来可以俯瞰旺角景，好有居高临下嘅感觉。前菜选择几多而且配搭新鲜，我地决定要试两种。牛油白酒煮蓝青口伴法式薯条蓝青口几大粒，酱汁加入番茄同西班牙辣肉肠，微辣，薯条系粗薯，热食好滋味。香煎蟹饼件藜麦蒜泥蛋黄酱蟹饼份量几大，两个人分享都够满足，面层炸得香口，内里啖啖蟹肉，蒜泥蛋黄酱同蟹肉劲夹，柠檬放喺小工具入面，唧柠汁都唔会整污糟只手，好贴心。是日餐汤系周打蚬汤，除左蚬肉之外仲加入左洋葱同三色椒，三色椒经过处理只剩甜味，冇左我最怕嘅苦味同草青味，汤质地creamy，配埋热辣辣香草包一齐饮几唔错。