今日去咗大坑食越南菜，去左帮衬火车头，而家佢哋做紧二人套餐觉得几抵食，每位都系$188。
套餐前菜有䄂子虾沙律，有两只大虾喺面，酸酸甜甜的沙律里面有好多香叶，青瓜，生菜同埋䄂子，配有少少麻油香，清爽的口感，让人胃口大开。
越南扎肉口感好弹牙有肉味，不会全口都系粉。特色蒸粉卷，里面有沙葛，木耳，罗定同埋虾米，咸咸香香，几惹味，个粉皮做得够薄有米香，味道唔错。
咖喱鸡配法式面包，味道香浓属于泰式style，有不同香料的混撘在一起，散发着椰汁的清香，厚重的汁配香香软软的法式面包，非常配搭。
马拉盏炒椰菜，非常有镬气，菜够入味又充满咸香，而且略带辣味，入口好惹味！
火车头招牌汤河，汤底比其他店更深色重口味，有着浓郁的中药卤水香，配料除咗生牛肉片，牛腩，牛筋，仲有牛丸，牛柏叶及入晒味嘅萝卜，河粉做得好出色，加埋其他香叶，芽菜及少少辣椒，汤底味道一下子提升了。套餐分量十足，两个人食都好够饱，咁嘅价钱喺大坑，真系非常公道！

走遍区区揾好嘢食，今日就去大坑。记得以前的大坑有点荒凉感觉，现在完全不同了，多了几分文青气息，活泼得多了。
火车头呢间越南菜馆来过大坑的话，无人不知，老字号。装潢是火车的原素，有风格。
生熟牛肉汤河
汤头清甜有肉香，牛肉软腍，肉味香浓，河粉就不够滑身。
可案个人喜好放入香叶，芽菜，青柠，红椒粒，增加层次与味道的变化。
烧猪肉柚子虾饼
几有特色的小食，虾饼松脆，配搭又香又浓味的烧猪肉，衬托上米粉，柚子酱，丰富口感。

今日要去天后覆诊，睇完医生，见时间尚早，决定过去大坑逛逛，顺便买些外卖回家做午餐。

有人话想食越南菜，记得浣纱街有间「火车头越南餐室」，趁还未到午市繁忙时间，人流不多，一于过去八下。

到埗后，先在门外细看餐牌，原来餐厅午市有套餐供应，选择非常丰富，共有 18 款，定价由 $59 - $83 不等，套餐包饮品，另外亦可以加钱配一份小食。

我拣咗两个套餐，另外加入咗两份小食。由于食物制作需时，店员让我先进餐厅内坐下等候， 服务非常贴心。

越式牛柳粒红饭 ($79) 配罗汉果蜜 + 越南炸春卷 ($22)

先试下个越南炸春卷，由于拿回家有一段路程，所以吃时春卷嘅外皮已经唔算好酥脆，不过入面嘅馅料很丰富，有红萝卜丝、木耳、葱花和猪绞肉等，加上入口不油，食味亦不俗。

牛柳粒同红饭各自分开盛载，牛柳粒肉质甚佳，够松软又嫩滑，牛味浓郁，可口味美，而配料亦下得很慷慨，有三色椒和洋葱等。红饭经番茄炒过，入口酸酸甜甜，茄味包裹住每粒米饭，口感不油不腻，配上多汁牛柳粒，老少皆宜！

菠萝大虾炒饭 ($79) 配柠檬红茶 + 烧猪肉柚子虾片 ($18)

烧猪肉柚子虾片很有惊喜，垫底嘅虾片虽然唔算好脆口，但面头嘅猪肉烧得很香口，加上淋满了柚子酱，食落酸酸甜甜，好醒胃，伴以米粉、青瓜丝等一起吃，口感很丰富。

另外盒菠萝大虾炒饭亦做得甚有水准，个卖相非常靓仔，材料除了菠萝和大虾外，还有肉松、腰果、提子、鸡粒、蛋丝、青椒、洋葱等，用料十足。饭身软硬适中，粒粒分明，火侯拿捏得刚刚好，味道不错。

跟餐饮品点咗冻罗汉果蜜同冻柠檬红茶，罗汉果蜜清清甜甜，几好味；柠檬红茶够茶味又够柠味，而且拿回家时仍非常冰冻，解渴一流！

餐厅位于大坑，唔知唔算偏僻都容易揾到。

内部环境都几舒适，坐得几舒服。

食物方面，我觉得佢哋都做得唔错。
点左牙车快沙律，个名几特别，估唔到食起上嚟都几好味。有鸡丝、大树菠萝丝、菜等等，口感非常丰富，酸酸甜甜，唔错唔错。

另外，香茅胡椒大蚬炒粉丝都好好食！
香茅同胡椒嘅结合，令到成个粉丝香气扑鼻。蚬又大，又鲜甜，抵赞既。 配上芽菜青椒等等嘅配菜，口感都几多层只。

生熟牛河，牛肉的分量还可以，香味也够，肉质大体上比较幼滑，热烫头浇上去咸中带甜，令人食欲大开，不过店面有点小，不过在香港都是这样的了