同老婆第一次结婚周年，就卜左梦寐以求既文华扒房晚餐黎庆祝💕
我地都系第一次食，首先环境充满气氛，好适合情侣享用晚餐
餐厅既职员先同我地confirm booking后就带我地入座，可能知我地系庆祝aaniversary所以安排左张窗边既枱俾我地，仲有玫瑰花摆设，相当浪漫
侍应morgan好有礼貌同亲切咁为我地送上香槟，并介绍佢地既餐牌，我地点了几道远近驰名既菜式

首先餐厅会送上头盘小食同面包，因为好肚饿就忘记左影相，但小食既烟三文鱼mousse 挞好香好好味，而面包亦都好松软，我仲嗌多左份面包黎之后配汤食

首先上菜既系当晚既法国生蠔，我太太食到停唔到口，赞不绝口，话好鲜甜既蠔味又爽口，而我唔食生蠔既就点左份餐厅house smoke既烟三文鱼，仲会系你面前先切，充满烟熏香味入口又够油脂，正！

跟住就系好出名既lobster bisque，个汤系我饮过最好味既龙虾浓汤！先系碗入面放上龙虾肉同忌廉，再系客人面前先注入浓汤，龙虾肉食落好弹牙，而个汤系有浓浓既龙虾味之余又唔会太咸，每一啖都系好鲜甜😋😋

主菜点左个咸灵顿牛柳，呢度既主打菜，我见其他客人都有order，而我地都系第一次食。牛柳切开见到好粉嫩，肉质软滑，同个酥皮相当夹，但调味偏重，有少少咸，整体而言都好出色

顺带一提餐厅食物份量好足，未食甜品已经好饱
最后上菜既系甜品梳乎厘，今次试既系芝麻味配日式豆腐味雪糕，比较独特，个芝麻流心好香浓！
餐厅仲送上芝士蛋糕配上祝福既牌仔😍但我地都太饱就打包返屋企慢慢叹

今餐可以话系满分既晚餐体验，服务好好，当晚经理Geneva亦不时行过嚟同我地倾计同关心我地既需要，而食物更加系一流，所以我同太太都打算下年周年纪念都要返黎呢度庆祝👏🏻

第一次试文华嘅Sunday roast menu,份量比想像中多好多，餐包必食，新鲜出炉嘅感觉，外层松脆内里柔软再配上淡淡香料味。龙虾汤味道适中，香滑。羊肉非常鲜嫩多汁，可惜牛肉有啲筋。甜品塔一如文华水平。
服务水平很高，会详细解释每道餐品，诚恳亲切。

餐前小食,汤,主菜,甜品,每一道菜都很出色,职员推介黑咖啡,真的很甘香完全没有苦涩味。
环境舒适,服务细心殷勤,真心推介👍😋💯

职员非常友善及专业，最重要是和食客互动交流，感觉良好，推荐。
二人选择了3 courses，非常饱，文华自家的烟三文鱼很值得一试，龙虾汤很浓厚，而且龙虾肉很多。
餐厅的气氛也不错，用餐时间不经不觉2小时，快乐的时光、稍纵即逝。

当晚庆祝老公生日，食物水准一流，法国生蠔鲜甜、鹅肝配上醃制嘅梨效果极佳、Beef Tartare配上厚厚嘅鱼子十分开胃、威灵顿牛扒肉质上佳，特别系龙虾汤，味道浓郁、虾肉鲜甜爽口，赞👍更值得一赞嘅系服务员的态度，诚恳有礼，十分贴心👍当晚招呼我地嘅Suki同Morgan应记一功👍