米线啊米线啊又系你啦
米线达人Jan又带大家去食好野

✅唯一云贵川风味
呢间米线店系米线关注组好出名
成日都见到有人去食
每次经过都有好多人排队
听屋企人讲呢间米线店已经有好多年历史
但我就一次都未去食过
所以见唔系好多人排队就去试下啦

麻辣酸菜鸡肉米线 $52
系关注组见到有谷友话食酸辣汤唔够辣
就麻辣汤加酸菜呢个组合就会正好多
麻辣汤闻上去好香 饮落亦都有轻微既麻辣味 但我就觉得可以再麻再辣多少少
谷友推荐食腩肉同炸酱
但我自己又冇特别钟意食 所以就叫左鸡肉啦！
个鸡肉比较薄身 唔会太干
酸菜做真系爆多！酸酸地好开胃 但又唔会话好人工既酸味
米线好弹牙！最钟意呢啲唔易腍既米线
见到有人话食亲呢到既米线都会好油
我谂个啲油就系来自啲肉碎
我个碗又唔系真系咁多油姐 我觉得可以接受！

味道: 3.8/5
卖相: 3.5/5

P.S. 下次去食要叫多酸多辣唔怪得之大家话食[唯一]有hidden menu啦 要食过一次先识叫

好几年无来帮衬，今晚和朋友去开荃湾行街，顺路带朋友到来食佢地嘅米线，记忆中米线超好味。
店内挂住当年的中国菜美食奖状，今晚再来回味一下。

小店环境尚算干净，不用排队等位已安排入座，食物选择不多，主要系米线酸辣汤底，再加十多款配料任君选择，汤底可以加小辣至大辣，这里的辣非常惹味风味十足，落单上菜好快，而且碗汤好热出晒烟，热食好好味。米线份量唔少，口感烟韧弹牙索汁，好多酸菜，最欣赏其酸辣汤底开胃惹味甚为出色。

叫了两碗米线，分别系 三味米线(腐竹、酱爆猪肉丸、腩肉) 和 三味米线(豆卜、云吞、腩肉)，两碗同样都点了香辣腩肉作配料，腩肉较为厚实香辣惹味。腐竹轻薄软身口感爽滑。酱爆猪肉丸有三粒口感软淋淋，内里汤汁不多没有酱爆之感，但食得出两种口感都好味。云吞三粒皮厚软身馅不多，酸辣汤底下依然好味。豆卜软身好索汁。整体而言，无论米线和配料都好味，但食完会口乾，此时饮该店的樽装豆浆也不错，豆味浓又可解辣，十蚊支唔贵。

在搬进荃湾区后不时会光顾位置横街小巷的米线店。此店每当午市时段店外必定排长龙。为加快人流职员会向每位正在等候的客人预先点餐，不消一会便有坐位。 每次到这家米线店我只会选"炸酱腩肉小辣"，米线份量相当多，胃口比较细的食客绝对足够饱肚至晚餐也不用吃饭。与其他米线不同的是他们所用的辣椒碎是自家预先炒香，每口夹杂烤香的味道。而炸酱口感比较干身，不太油腻而且十分香口。腩肉亦是预先焖好，撕开一条条又不会带太多肥肉，少了份吃过多脂肪带来的罪疚感。 一碗价廉物美的米线唯一缺点就是坐位过窄，难以放下随身物品，但以此价钱来说也没有甚么可挑剔的。

定期都会挂住云贵川的米线，腩肉麻辣猪肚丝真的美味无比，虽然服务一般，坐位较逼夹，但仍然每次到荃湾必选。

每次外出旅行后回港最挂念的食物就是唯一，在外地绝不可能食到。
推荐腩肉、猪肚、猪肠。
但要注意店内空间不大，一张枱多数要坐五至六人，会比较食得不太轻松。