天气入夜有秋意，心思思又想打边炉。之前去过铜锣湾店，无论环境和食物都一流。今次去左尖沙咀酒锅，环境气氛都不错，食物质素亦保持水准。

扬名四海
4款汤底各有特色，咸菜胡椒猪肚锅咸香微辣，黑松露野菌锅虽然是素但非常香浓，香浓猪骨汤清甜可口，四川麻辣锅刺激惹味。

秘制麻辣鸭血
等汤底滚起的时候食最啱，鸭血柔软滑溜，一食停唔到口，辣和麻恰到好处，超级惹味。

顶级安格斯牛小排
牛肉好靓，牛味浓郁，肉质鲜嫩，虽然望落不是太多油花，但一点都不韧，瘦得来又嫩，个人觉得必食。

手打芝士虾丸
虾丸煮熟有淡淡粉红色，颜色好靓，超级爽口弹牙，重点是中间有半溶流心芝士，同虾丸几夹。

即炸手工双层芝士汉堡响铃卷
就咁当小食咁食真的有芝士汉堡的感觉味道，酥脆香口。微微过汤又是另一种食法，感觉冇咁热气，芝士溶化，而且可以吸汤。

黑松露虾蟹饺
大大只，皮滑有淡淡松露香，馅料足，虾肉加上猪肉，爽口鲜嫩，虽然蟹肉不多，但无损饺子的美味。

洋葱猪肉虾蛋饺
蛋皮软滑，吸收了汤汁，咬下去有爽脆惹味的洋葱粒和爽嫰虾肉猪肉馅料，口感味道丰富。

蜂巢豆腐、豆腐纸
两款材料用来吸汤汁一流，口感各不同。蜂巢豆腐吸的汤份量比较澎湃，豆腐纸比较温和，我两款都钟意。

最后，值得一提的是餐厅有多款饮品选择，酒精饮品和无酒精饮品都有。当日我们选了一款Special Cocktail叫Aprilis和菠萝沙冰。Aprilis有sake和士多啤梨汁，口感较creamy，淡淡的粉红色很漂亮。菠萝沙冰清甜解渴，配麻辣的食物最适合不过，解辣饮落去好舒服。

香港的限聚令（🈲堂食不能超过2人🈲晚餐禁堂食）活生生把多少火锅局扼杀在襁褓里，还好不少火锅店都开始提供外卖。

《酒锅超值鸡煲套餐》外卖
HK$288/位(可选2人份/4人份)。

香港风味的酒锅秘制鸡煲，鸡肉香滑惹味，吃完后再加入猪骨汤头打边炉，套餐包括顶级安格斯牛小排(超赞！)、黑毛猪腩玫瑰拼盘、酒锅黑松露虾蟹饺2.0、即炸手工双色芝味向铃、手打花枝丸、手打芝士流心虾丸、台湾空运鸭血&蔬菜拼盘等，配料份量十足，我们一家五口订了4人份也吃不完🤣

有好多特别的食材(鳄鱼胶、脆鱼皮、三文鱼、动物外形饺子、什锦蔬菜)，火锅底用料十足(酒木瓜，又甜又香酒味)。

听朋友讲酒锅既评价唔错，无论环境定食物都值得一战🤨，寻日上到去望到个环境，真系好靓😍！环境古色古香既酒锅，估唔到出面仲有个露台酒吧仔🤩，可以食饱之后出去睇住靓景饮返杯🍸！
-
巨无霸芫荽锅 $288
其实我系唔食芫荽既😆，但同行所有朋友都好中意食，一上枱见到啲芫荽既份量有啲崩溃！不过好彩放哂上顶，同朋友们清得极快，so far啲芫荽无喺汤底滚太耐😝，但听朋友讲啲芫荽好正。
．
清哂芫荽之后终于可以见到个汤底啦！
有清汤萝卜牛腩🐮、四川麻辣锅🌶、喇沙海鲜🦐、同蕃茄薯仔猪骨🥔，每格汤底都好足料，我个人道最中意清汤萝卜牛腩，因为个汤煲到劲清甜😋，而且啲萝卜入哂味超正！食得辣既朋友一定要试下四川麻辣锅，因为超辣超惹味，食到我出哂汗haha💦！
-
安格斯牛小排（小）$100
滚几秒就食得既靓牛，油花分布平均👍🏻，肉质软腍，牛味香浓，而且份量都唔少，我地一行四人每人都食到几块😽！
-
狮头肥鹅肠 $68
中意食鹅既人就会知狮头鹅既矝贵🤤～狮头鹅肉味会比普通鹅浓，而狮头鹅既鹅肠亦会比普通鹅肠更宽厚😻！肥鹅肠油脂味极香浓，真系超有罪恶感🧞‍♀！
-
珊瑚蚌 $88
够新鲜，爽脆鲜甜。
-
手打芝士墨鱼丸 $78
果然系手打，好爽弹，墨鱼味都几浓🦑，虽然见到每粒墨鱼丸都包住左一小粒芝士，但食落又唔系好觉有芝士味🧐。
-
黑松露虾蟹饺 $88
净系食到黑松露同虾既味道🦐，完全食唔出有蟹味，不过只虾都几大只同好爽弹。
-
金沙咸蛋炸鱼皮 $68
新鲜炸完即上既黄金炸鱼皮，热辣辣，几热气都要食！金沙咸蛋味突出，好惹味🤤！
-
即炸手工响铃卷 $58
睇得出系新鲜即炸，吸汁力特强，好正，不过有啲厚得济，所以唔太松脆😛。

酒锅（尖沙咀店）午市人均消费$250
Klook优惠：可以$404购买价值$500之现金券
火锅款式众多，多元化，重口味的有沙嗲汤底，清淡的则有养生锅～
食物卖相及味道都不错，个人较推介虾丸，当然食物价格的定位都相对较高
可惜的是服务仍有待改进：第一，人手不足；第二，入座时没有提供水，需要多加留意；第三，职员不会主动为锅底加汤。